ສຳນັກຂ່າວຕ່າງປະເທດ ລາຍງານໃນວັນທີ 12 ຕຸລາຜ່ານມານີ້ວ່າ ກົມການບິນພົນລະເຮືອນ ກະຊວງຄົມມະນາຄົມຫວຽດນາມ ໄດ້ອະນຸມັດແຜນແມ່ບົດສະບັບປັບປຸງໃໝ່ ເພື່ອຍົກລະດັບສະໜາມບິນສາກົນເຕິ່ນເຊິນເຍຶດ ນະຄອນໂຮ່ຈິມິນ ທາງພາກໃຕ້ຂອງປະເທດ ໃນອີກ 5 ປີຂ້າງໜ້າ ໃຫ້ສາມາດຮອງຮັບຜູ້ໂດຍສານໄດ້ 25 ລ້ານຄົນຕໍ່ປີ ແລະ ຮອງຮັບສິນຄ້າ 1 ລ້ານໂຕນຕໍ່ປີ ໂດຍຈະມີການຂະຫຍາຍພື້ນທີ່ສະໜາມບິນເພີ່ມ ເພື່ອສາມາດອຳນວຍຄວາມສະດວກໃນການລົງຈອດເຮືອບິນປະເພດຕ່າງໆ ໄດ້ຫລາຍເຖິງ 82 ລຳ.
ທັງນີ້ ຕາມສະຖິຕິປີ 2014 ສະໜາມບິນສາກົນເຕິ່ນເຊິນເຍິດ ໄດ້ຕ້ອນຮັບຜູ້ໂດຍສານຫລາຍກ່ວາ 22 ລ້ານຄົນ ແລະ ຮອງຮັບສິນຄ້າ 408,000 ໂຕນ ຊຶ່ງເພີ່ມຂຶ້ນຈາກປີກ່ອນໜ້າ 10.5%.