ສື່ດັງຂອງອັງກິດອອກມາເປີດເຜຍວ່າ ຖ້າຫາກ ເຊວຊີ ຍັງຄົງຊູຊີ ໂຈເຊ ມູຣິນໂຢ ທີ່ສະໂມສອນຈະປົດອອກຈາກການເປັນຜູ້ຈັດການທີມ ກໍ່ຈະເຮັດໃຫ້ຄູເຝິກຊາວປ໋ອກຕຸຍການ ອາຍຸ 52 ຄົນນີ້ຮັບເງິນເຂົ້າກະເປົ໋າແບບສະບາຍສະບາຍຈຳນວນເຖິງ 37.5 ລ້ານປອນດ໌ (ປະມານ 474 ຕື້ກວ່າກີບ) ຈາກການທີ່ໄດ້ຮັບຄ່າເມື່ອຍປີລະ 8.5 ລ້ານປອນດ໌ (ປະມານ 107 ຕື້ກວ່າກີບ)

ເຊີ່ງທັງໝົດໄດ້ລະບຸໄວ້ໃນສັນຍາສະບັບໃໝ່ທີ່ຫາກໍ່ເຊັນກັນເມື່ອ 2 ເດືອນກ່ອນ ໂດຍສັນຍາຄຸມທີມຂອງ ມູຣິນໂຢ ຈະສີ້ນສຸດລົງໃນປີ 2019 ຢ່າງໃດກໍ່ຕາມທີ່ຜ່ານມາ ໂຣມັນ ອັບຣາໂມວິຊ ມະຫາເສດຖີຊາວຣັດເຊຍ ເຈົ້າຂອງສະໂມສອນເຊວຊີ ກໍ່ເຄີຍຍອມຈ່າຍຊົດເຊີຍເງິນຈຳນວນຫຼາຍປົດຜູ້ຈັດການທີມມາແລ້ວເຊັ່ນ: ຫຼຸຍ ສະໂຄລາຣີ່ 12.6ລ້ານປອນດ໌ (ປະມານ 160 ຕື້ກວ່າກີບ), ຄາໂລ ອັນເຊລ໊ອດຕິ 6 ລ້ານປອນດ໌ (ປະມານ 76 ຕື້ກວ່າກີບ) ແລະ ອັງເດຣ ວິລາສ ໂບອາສ 12 ລ້ານປອນດ໌ (ປະມານ 151 ຕື້ກວ່າກີບ)