ສິ່ງໜຶ່ງທີ່ແອັດມິນພາກພູມໃຈ ໃນການເກີດເປັນຄົນລາວຄື ແອັດມິນກໍຄືຄົນລາວທົ່ວປະເທດ 80% ແມ່ນຟັງພາສາໄທເຂົ້າໃຈ (ເພາະເປັນພາສາຕະກຸນດຽວກັນ ຫຼືເວົ້າຢ່າງໜຶ່ງວ່າພາສາດຽວກັນ) ດັ່ງນັ້ນ, ຄົນລາວເຮົາຈຶ່ງມີໂອກາດໄດ້ຮຽນຮູ້ ຈາກປະເທດໄທທຸກທິດທາງ ບໍ່ວ່າຈະເປັນບົດຮຽນ, ວິທະຍາສາດ, ວິທະຍາການ, ຂ່າວ, ບັນເທີງ, ວິທີການ, ປະສົບການ ແລະອື່ນໆ
ແລະນີ້ຄືສື່ການຮຽນ-ການສອນ ຂັ້ນປະຖົມໃນປະເທດໄທ ນຳສະເໜີເພື່ອໃຫ້ໄດ້ຮຽນຮູ້ ແລະໄດ້ແນວທາງທາງຄວາມຄິດ ເຊິ່ງອາດຈະສາມາດຕໍ່ຍອດໄດ້.
ຖ້າຕ້ອງການເບິ່ງຄັງສື່ການສອນທີ່ຫຼາກຫຼາຍ ກໍສາມາດຄລິກເຂົ້າໄປເບິ່ງຢູ່ເວັບໄຊນີ້: http://www.dlit.ac.th/
ເຊິ່ງເໝາະສົມທີ່ສຸດກັບ ຄູ-ອາຈານ, ນັກຮຽນ, ນັກສຶກສາ, ຜູ້ອອກແບບສື່ການຮຽນ-ການສອນ ແລະບຸກຄົນທົ່ວໄປ.
ດຽວນີ້ປະເທດເຮົາກ້າວໜ້າທາງດ້ານ ເທັກໂນໂລຢີ່ຂໍ້ມູນຂ່າວສານແລ້ວ ເຮົາຕ້ອງໃຊ້ມັນໃຫ້ເກີດປະໂຫຍດທີ່ສຸດ, ໂຮງຮຽນຄວນມີເວັບໄຊ, ມີລະບົບອອນລາຍນ໌ ເພື່ອເປັນຈຸດນັດພົບກັນຂອງນັກຮຽນ, ຄູ-ອາຈານ, ເປັນຄັງຄວາມຮູ້ ແລະອື່ນໆ
ລະບົບຂໍ້ມູນຂ່າວສານອອນລາຍນ໌ ມີຄວາມສຳຄັນຕໍ່ທັງນັກຮຽນແລະຄູອາຈານ ເພາະໃນຊີວິດປະຈຳວັນຈະຂາດສິ່ງນີ້ບໍ່ໄດ້ແລ້ວ ການປະກອບອາຊີບໃນອະນາຄົດຂອງນັກຮຽນ ກໍລ້ວນແຕ່ຢູ່ໃນລະບົບອອນລາຍໄປແລ້ວ. ຖ້າເຮົາສາມາດເອົາເດັກນ້ອຍຫຍັບເຂົ້າ ເພື່ອຮຽນຮູ້ສິ່ງນີ້ໄວ້ແຕ່ຕອນນີ້ ກໍຍິ່ງຈະເປັນການດີ.