ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນຄືນວັນທີ 28 ກັນຍາຜ່ານມາ,ຢູ່ເຂດບ້ານສົມປະເສີດ ເມືອງໄຊທານີ, ໄດ້ເກີດອຸປະຕິເຫດລົດເມຕຳເອົາທ້າຍລົດຈັກ ເຮັດໃຫ້ທ້າວ ບຸນມີ (ຜູ້ຂັບຂີ່ລົດຈັກ) ອາຍຸ 25 ປີ ກຳມະກອນ ຢູ່ບ້ານນາໄຊ ເມືອງທ່າພະບາດ ແຂວງບໍລິຄຳໄຊ ເສຍຊີວິດຄາທີ່ ແລະ ຄືນວັນທີ 1 ຕຸລານີ້, ຢູ່ເຂດບ້ານນາຜາສຸກ, ເມືອງໄຊເສດຖາ ນະຄອນຫລວງວຽງຈັນ, ໄດ້ເກີດເຫດລົດໃຫຍ່ຕຳລົດຈັກ ເຮັດໃຫ້ທ້າວ ວັນນາ (ຜູ້ຂັບຂີ່ລົດຈັກ) ອາຍຸ 35 ປີ ກຳມະ ກອນ ຢູ່ບ້ານບໍ່ເຫລັກ ເມືອງໄຊທານີ ນະຄອນຫລວງວຽງຈັນ ເສຍຊີວິດ, ໃນຕອນເຊົ້າມືດຂອງວັນຕໍ່ມາ, ໄດ້ເກີດອຸປະຕິເຫດລົດໃຫຍ່ຕຳຄົນຍ່າງ ຢູ່ເຂດບ້ານພະໂພ ເມືອງສີສັດຕະນາກ ນະຄອນຫລວງວຽງຈັນ, ເຮັດໃຫ້ພໍ່ຕູ້ທະວິນ ອາຍຸ 87 ປີ ຢູ່ບ້ານດັ່ງກ່າວ ເສຍຊີວິດຄາທີ່ ແລະ ຕອນຄ້າຍແລງຂອງວັນທີ 4 ຕຸລານີ້, ກໍເກີດອຸປະຕິເຫດລົດໃຫຍ່ຕຳລົດຈັກ ຢູ່ເຂດບ້ານໜອງແຫ້ວ ເມືອງຫາດຊາຍຟອງ, ເຮັດໃຫ້ຜູ້ຂັບຂີ່ລົດຈັກຄື: ທ້າວ ຄຳຝົນ ອາຍຸ 53 ປີ ກຳມະກອນ ຢູ່ບ້ານນາໄຫ ເມືອງຫາດຊາຍຟອງ ນະຄອນຫລວງວຽງຈັນ ເສຍຊີວິດຄາທີ່.
ເຈົ້າໜ້າທີ່ໃຫ້ຮູ້ວ່າ: ອຸປະຕິເຫດມັກເກີດຂຶ້ນໃນຍາມຄ່ຳຄືນ, ສ່ວນຫລາຍແມ່ນຍ້ອນຜູ້ຂັບຂີ່ດື່ມສິ່ງມືນເມົາແລ້ວຂັບຂີ່, ຂັບຂີ່ລົດໄວ ບໍ່ນັບຖືລະບຽບຈະລາຈອນ, ດັ່ງນັ້ນ ເຈົ້າໜ້າທີ່ຈຶ່ງຮຽກຮ້ອງມາຍັງຜູ້ໃຊ້ລົດຖະໜົນທຸກຄົນຈົ່ງມີສະ ຕິປະຕິບັດລະບຽບຈະລາຈອນໃຫ້ເຂັ້ມງວດ.
ທີ່ມາ ໜັງສືພິມລາວພັດທະນາ http://laophatthananews.blogspot.com/2015/10/7-5.html
