ໂຄງການສ້ອມແປງ-ຕໍ່ເຕີມສະໂມສອນ ກົມໃຫຍ່ ການເມືອງກອງທັບກຽມໃສ່ ງານສະຫຼອງວັນສ້າງຕັ້ງກອງ ທັບປະຊາຊົນລາວຄົບຮອບ 65 ປີ ທີ່ໄດ້ດຳເນີນມາແຕ່ ທ້າຍເດືອນເມສາ ປີ 2013 ນ້ັນໄດ້ສຳເລັດຕາມແຜນ ການ ແລະ ໄດ້ຈັດພິທີມອບ- ຮັບນຳໃຊ້ຢ່າງເປັນທາງການ  ໃນຕອນເຊົ້າວັນມີ 14 ພະ  ຈິກນີ້.
ໂຄງການດັ່ງກ່າວແມ່ນບໍ ລິສັດ ST ສຳຫລວດອອກ ແບບກໍ່ສ້າງ ແລະ ຂົວທາງຈຳ ກັດຂອງ ທ່ານ ແສງທອງ ສີລະວົງ  ເປັນຜູ້ຮັບເຫມົາລວມ ມູນຄ່າ 4.476.800.000 ກີບ ໂດຍວຽກສ້ອມແປງໃຫມ່ ລວມມີ 12 ຫນ້າວຽກຄື: ກໍ່ ໂບກ, ຕິດຫລ່ຽມ, ຕິດບົວ, ຕົບແຕ່ງເສົາໂຊ, ມຸງຫລັງຄາ- ກະເບື້ອງໃຫມ່, ວຽກເພດານ  ດ້ານນອກ ແລະ ໃນ, ຕິດຕັ້ງ ແຜ່ນເກັບສຽງ, ຕົບແຕ່ງບົວ- ປາໂນ, ຕິດຕັ້ງຝາແກ້ວ, ວຽກ ສີ, ຕິດຕັ້ງລະບົບປ້ຳນ້ຳ, ແລ່ນ  ທໍ່, ວຽກໄຟຟ້າ ແລະ ສ້ອມ ແປງຫ້ອງນ້ຳໃຫ້ມີສີສັນ ແລະ ທັນສະໄຫມກວ່າເກົ່າ, ສ່ວນ ວຽກຕໍ່ເຕີມນັ້ນແມ່ນໄດ້ຂະ ຫຍາຍຫ້ອງຮັບຮອງອອກຕື່ມ ໃຫ້ສາມາດຮັບຮອງແຂກຂັ້ນ ສູງໄດ້ຫລາຍກວ່າເກົ່າ.
ກ່າວຄຳເຫັນໃນໂອກາດ ຮັບເອົາໂຄງການດັ່ງກ່າວພົນ ຈັດຕະວາ ວິໄລ ຫລ້າຄຳຟອງ ຮອງຫົວຫນ້າກົມໃຫຍ່ການ ເມືອງກອງທັບ, ຜູ້ຊີ້ນຳໂຄງ ການໄດ້ຕີລາຄາສູງຕໍ່ພະນັກ ງານວິຊາການ ແລະ ກຳມະ ກອນຂອງບໍລິສັດ ຜູ້ຮັບເຫມົາ  ທີ່ໄດ້ສູ້ຊົນປະຕິບັດບັນດາ ຫນ້າວຽກໃຫ້ສຳເລັດລຸໂລ່ງ ໄປດ້ວຍດີ ໂດຍບໍ່ມີຄວາມຜິດ ພາດດ້ານເຕັກນິກ ແລະ ບໍ່ໄດ້ ມີການປັບປຸງປ່ຽນແປງໃຫມ່, ພ້ອມທັງໄດ້ເນັ້ນໃຫ້ຫ້ອງການ ບໍລິຫານ ກມທ ເອົາໃຈໃສ່ຊີ້ ນຳພະນັກງານທີ່ຮັບຜິດຊອບ  ເພີ່ມທະວີນ້ຳໃຈປົກປັກຮັກ ສາ ຄຸ້ມຄອງນຳໃຊ້ໃຫ້ດີໃຫ້ ກຸ້ມຄ່າກັບທຶນຮອນງົບປະ ມານທີ່ພັກ-ລັດຂັ້ນເທິງສະ ຫນອງໃຫ້.
ເຂົ້າຮ່ວມໃນພິທີມອບ-ຮັບ ໂຄງການດັ່ງກ່າວມີພະນັກ ງານທີ່ກ່ຽວຂ້ອງຈາກກົມກໍ່  ສ້າງ-ຄຸ້ມຄອງຊັບສິນ ກົມ ແຜນການ-ການເງິນກົມໃຫຍ່ ພະລາທິການ, ກົມກວດກາ ກອງທັບ ແລະ ພະນັກງານທີ່ ກ່ຽວຂ້ອງພາຍໃນອົງການກົມ ໃຫຍ່ການເມືອງກອງທັບ.

ທີ່ມາhttp://www.kongthap.gov.la