spot_img
Homeຂ່າວພາຍ​ໃນຈັດກອງປະຊຸມຕ້ານການສໍ້ລາດບັງຫຼວງຂົງເຂດອາຊີຕາເວັນອອກສ່ຽງໃຕ້

ຈັດກອງປະຊຸມຕ້ານການສໍ້ລາດບັງຫຼວງຂົງເຂດອາຊີຕາເວັນອອກສ່ຽງໃຕ້

Published on

15-11-2556 10-55-58

ກອງປະຊຸມຄັ້ງທີ 9 ເພື່ອ ຕ້ານການສ້ໍລາດບັງຫລວງໃນ ຂົງເຂດອາຊີຕາເວັນອອກສ່ຽງ ໃຕ້ ຫຼື ອາຊຽນ ໂດຍລາວໄດ້ ຮັບກຽດເປັນເຈົ້າພາບໄດ້ຈັດ ຂຶ້ນໃນຕອນເຊົ້າຂອງວັນທີ 14 ພະຈິກ 2013 ນີ້ຢູ່ທີ່ໂຮງ ແຮງດອນຈັນພາເລດ, ນະ ຄອນຫລວງວຽງຈັນ ໂດຍ ການເຂົ້າຮ່ວມເປັນປະທານ ຂອງພະນະທ່ານອາຊາງ ລາວ ລີ ຮອງນາຍົກລັດຖະມົນຕີ ແຫ່ງ ສປປ ລາວ, ທ່ານ ດຣ
ບຸນທອງ ຈິດມະນີ ປະທານອົງ ການກວດກາລັດຖະບານ, ຫົວຫນ້າອົງການຕ້ານການສໍ້ ລາດບັງຫລວງ, ພ້ອມດ້ວຍ ຫົວຫນ້າຄະນະຜູ້ແທນຈາກ 9 ປະເທດກຸ່ມອາຊຽນ, ບັນດາ ທູຕານຸທູດ, ຜູ້ຕາງຫນ້າອົງ ການຈັດຕັ້ງສາກົນປະຈຳລາວ ເຂົ້າຮ່ວມ 200 ກ່ວາທ່ານ.
ກ່າວໄຂກອງປະຊຸມຄັ້ງນີ້ ທ່ານອາຊຽງ ລາວລີ ຮອງນາ ຍົກລັດຖະມົນຕີແຫ່ງ ສປປ ລາວ ໄດ້ກ່າວວ່າ: ການສໍ້ລາດ ບັງຫລວງແມ່ນປາກົດການ ຫຍໍ້ທໍ້ຫນຶ່ງໃນກົງຈັກລັດ ທັງ ເປັນໄພຂົ່ມຂູ່ຕໍ່ຄວາມໝັ້ນຄົງ ຂອງປະເທດຊາດ ມັນເກີດ ຂຶ້ນກັບທຸກໆປະເທດໃນໂລກ ບໍ່ຈຳແນກວ່າປະເທດນັ້ນຈະ ທຸກຍາກ, ຮັ່ງມີ, ປະເທດໃຫຍ່, ປະເທດນ້ອຍ, ພັດທະນາ ແລ້ວຫຼື ກຳລັງພັດທະນາ ແລະ ດ້ອຍພັດທະນາ, ການສ້ໍລາດ ບັງຫຼວງແມ່ນໄພອັນຕະລາຍ ທີ່ນຳໄປສູ່ການກົດໜ່ວງທ່ວງ ດຶງການພັດທະນາ ມີສ່ວນ ເຮັດໃຫ້ປະຊາຊົນບໍ່ໄດ້ຮັບ ການຊົມໃຊ້ຜົນປະໂຫຍດ ຂອງຕົນຢ່າງທົ່ວເຖິງ, ຊອບ ທຳ ແລະ ເຕັມສ່ວນ, ຫຼັງຈາກ ນັ້ນບັນດາຄະນະຜູ້ແທນຂອງ ແຕ່ລະປະເທດກໍ່ໄດ້ຜັດປ່ຽນ ກັນຂຶ້ນສະເໜີບົດລາຍງານ ປະກອບຄຳຄິດຄຳເຫັນເພື່ອ ແລກປ່ຽນບົດຮຽນເຊິ່ງກັນ ແລະ ກັນ ໂດຍສະເພາະແມ່ນ ແນວທາງຫຼືວິທີການໃນການ ຕ້ານການສໍ້ລາດບັງຫລວງ ໃນຂົງເຂດອາຊີຕາເວັນອອກ ສ່ຽງໃຕ້ ແລະ ບັນຫາອື່ນໆທີ່ ກອງປະຊຸມມີຄວາມສົນໃຈ ຮ່ວມກັນ, ນອກຈາກນັ້ນໃນ ກອງປະຊຸມຄັ້ງນີ້ຍັງປຶກສາຫາ ລື ແລະ ຕົກລົງກ່ຽວກັບການ ຈັດກອງປະຊຸມຕ້ານການສໍ້ ລາດບັງຫລວງຂົງເຂດອາຊີ ຕາເວັນອອກສ່ຽງໃຕ້ຄັ້ງທີ 10 ວ່າຈະມອບໃຫ້ປະເທດໃດ ເປັນເຈົ້າພາບ, ພ້ອມທັງຮັບ ຟັງການປະກອບຄຳຄິດຄຳ ເຫັນຂອງຜູ້ຕາງຫນ້າຂອງອົງ ການ UNODE ປະຈຳ ສປປ ລາວ ກ່ຽວກັບກົນໄກທົບທວນ ການປະຕິບັດສົນທິສັນຍາ ຂອງ ສປຊ ກ່ຽວກັບການຕ້ານ ການສໍ້ລາດບັງຫລວງ.
ກອງປະຊຸມຄັ້ງນີ້ຈະໄດ້ດຳ ເນີນໄປເປັນເວລາ 2 ວັນຈິ່ງ ຈະອັດລົງ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດພະເທບ ແຫ່ງ ຣາຊະອານາຈັກໄທ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ ຣາຊະອານາຈັກໄທ. ໃນຕອນບ່າຍຂອງວັນທີ 22 ເມສາ 2025,...

ນັກທ່ອງທ່ຽວຕ່າງຊາດທີ່ຈະເດີນທາງເຂົ້າໄທ ດ້ວຍພາສປອດຕ້ອງໄດ້ຕື່ມຟອມອອນລາຍ ເລີ່ມ 1 ພຶດສະພານີ້

ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ (ນັກທ່ອງທ່ຽວ, ຄົນຕ່າງປະເທດ) ທີ່ຈະເດີນທາງໄປປະເທດໄທ ຕ້ອງໄດ້ເຂົ້າຕື່ມແບບຟອມ (TDAC) ລິ້ງ https://tdac.immigration.go.th ທາງອອນລາຍ...

ຍຶດຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ.

ກອງບັນຊາການ ປກສ ແຂວງບໍ່ແກ້ວ ຍຶດຂອງກາງ ຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ. ໃນຄັ້ງວັນທີ 21...

ປກສ ນະຄອນໄກສອນ ພົມວິຫານ ຈັບຜູ້ສໍ້ໂກງ ແລະ ລັກຊັບ

ເຈົ້າໜ້າທີ່ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັບທ້າວ ວັນນະລາດ ອາຍຸ 55 ປີ ອາຊີບກຳມະກອນ ເຊື້ອຊາດ-ສັນຊາດລາວ ບ້ານເກີດໂພນໄຊ ເມືອງໂພນໂຮງ...