ຕົກໃຈ! ໜຸ່ມອິນເດຍຊື້ໂດເມນ Google. com ໄດ້ໃນລາຄາພຽງ 100.000 ກີບ ແຕ່ໄດ້ເປັນເຈົ້າຂອງ Google. com ພຽງແຕ່ 1 ນາທີ
ເມື່ອວັນທີ່ 1 ຕຸລາ ໄດ້ມີຂ່າວຮືຮາເມື່ອ Sanmay Ved ນັກສຶກສາຊາວອິນເດຍ ໄດ້ຊື້ຊື່ໂດເມນ Google.com ຈາກ Google Domain ບໍລິການຈົດທະບຽນຊື່ໂດເມນຂອງກູເກີນ ໃນລາຄາພຽງ $12 ຫຼື ປະມານ 100.000 ກີບເທົ່ານັ້ນ ໂດຍທ້າວ Sanmay Ved ໄດ້ໄປພົບຊື່ໂດເມນ Google. com ຂາຍຢູ່ເທິງ Google Domain ໂດຍບັງເອີນ ແລະ ເມື່ອພວກເຂົາເຫັນວ່າມີລາຄາພຽງແຕ່ $12 ຈຶ່ງຕັດສິນໃຈຊື້ຢ່າງບໍ່ລັງເລ ເຊີ່ງຫລັງຈາກພວກເຂົາກົດຊື້ແລ້ວລະບົບກໍຕັດເງີນຈຳນວນ $12 ຈາກບັດເຄດິດຂອງພວກເຂົາ ເຮັດໃຫ້ພວກເຂົາກາຍເປັນເຈົ້າຂອງໂດເມນ Google. com ເປັນທີ່ຮຽບຮ້ອຍ
ຢ່າງໃດກໍຕາມເມື່ອເວລາຜ່ານໄປພຽງແຕ່ນາທີດຽວ ກໍມີອີເມລຈາກກູເກີນສົ່ງມາແຈ້ງຍົກເລີກການຊື້ໂດເມນດັ່ງກ່າວທັນທີ ພ້ອມທັງຄືນເງີນ $12 ໃຫ້ທ້າວ Sanmay Ved ເຕັມຈຳນວນ ເຊີ່ງການທີ່ກູເກີນເປັນເຈົ້າຂອງຊື່ໂດເມນ Google.com ຢູ່ແລ້ວ ເຮັດໃຫ້ການໂອນໂດເມນກັບຄືນມາເຮັດໄດ້ບໍ່ຍາກ ແລະ ທ້າວ Sanmay Ved ກໍບໍ່ໄດ້ຂັດຂ້ອງຫຍັງ ນອກຈາກນີ້ທ້າວ Sanmay Ved ຍັງໄດ້ແຈ້ງໄປຍັງຝ່າຍລະບົບຮັກສາຄວາມປອດໄພຂອງກູເກີນໃຫ້ກວດສອບຄວາມຜິດພາດດັ່ງກ່າວ ໂດຍໃນຂະນະນີ້ໃນ Google Domain ບໍ່ປາກົດຊື່ໂດເມນ Google. com ໃຫ້ຊື້ອີກແລ້ວ
