ນາຊ່າ ຮ່ວມກັບ ອີເອດສ໌ເອ ວາງແຜນໂຄງການ ‘525ft Didymoon’ ພາລະກິດຢຸດດາວເຄາະນ້ອຍ ທີ່ອາດເດີນທາງມາຍັງໂລກ ແລະ ກໍ່ໃຫ້ເກີດອັນຕະລາຍຕໍ່ມວນມະນຸດ
ວານນີ້ 1 ຕຸລາ ສຳນັກຂ່າວ ‘ເດິຊັນ’ ທີ່ອ້າງຄວາມເຄື່ອນໄຫວຂອງອົງການບໍລິຫານການບິນ ແລະ ອາວະກາດແຫ່ງຊາດ ຫຼື ‘ນາຊ່າ’ທີ່ຮ່ວມກັບ ອົງການອາວະກາດຍຸໂຣບ ຫຼື ‘ອີເອດສ໌ເອ’ ໃນການຄິດຄົ້ນອຸປະກອນ ທີ່ມີຊື່ວ່າ ‘525ft Didymoon’ ເພື່ອປ່ຽນທິດທາງດາວເຄາະນ້ອຍຂະໜາດໃຫຍ່ ທີ່ກຳລັງຈະຄຸກຄາມໂລກ ຈົນມີເລື່ອງລືວ່າ ອາດເຖິງຂັ້ນກາຍເປັນ ‘ວັນສິ້ນໂລກ’
ນອກນີ້ລາຍງານ ລະບຸວ່າ ດຣ. ແພຊິກ ມິເຊນ ເຈົ້າຫນ້າທີ່ຈາກອົງການອາວະກາດຍຸໂຣບ ເປີດເຜີຍວ່າ ອຸປະກອນ ‘Didymoon’ ດັ່ງກ່າວເຮັດຫນ້າທີ່ ເພື່ອປົກປ້ອງໂລກ ຈາກຜົນກະທົບ ທີ່ອາດຈະກໍ່ໃຫ້ເກີດອັນຕະລາຍຕໍ່ໂລກ ທີ່ເກີດຈາກດາວເຄາະນ້ອຍ ເຊີ່ງກົນໄກຂອງການເຮັດວຽກງານອຸປະກອນດັ່ງກ່າວ ຈະມີເປົ້າໝາຍເພື່ອການປ່ຽນທິດທາງຕົກຂອງດາວເຄາະນ້ອຍ
ຂັ້ນຕອນຂອງການເຮັດວຽກງານຂອງເຄື່ອງມືດັ່ງກ່າວ ຈະເລີ່ມຈາກການວັດຄຸນສົມບັດຂອງດາວເຄາະ ທີ່ມີແນວໂນ້ມວ່າ ອາດໂຄຈອນມາຊົນກັບໂລກ ເຊັ່ນ ມວນຄວາມໜ້າແໜ້ນ ລວມເຖິງການກວດສອບໂຄງສ້າງພາຍໃນ ແລະ ດຳເນີນການເພື່ອໃຫ້ດາວເຄາະດວງນັ້ນ ປ່ຽນວິຖີບໍ່ເດີນທາງມາຍັງໂລກ
ຢ່າງໃດກໍຕາມ ຄາດວ່າ ເຄື່ອງມືດັ່ງກ່າວ ຈະສຳເລັດໃນເດືອນຕຸລາ ປີ 2022 ເຊີ່ງຈາກວິທີການດັ່ງກ່າວ ມີຄວາມຄ້າຍຄີກັບຮູບເງົາຊື່ດັ່ງເລື່ອງ ‘ອາມາເກັດດອນ ວັນໂລກແຕກ’ ‘ອົງການນາຊ່າ’ ຮູບເງົາຍິ່ງໃຫ່ຍ ທີ່ຊອກຫາຜູ້ທີ່ສາມາດປະຕິບັດພາລະກິດການກູ້ໂລກ ໂດຍການນຳລະເບີດ ໄປຝັງໄວ້ຍັງອຸກກາບາດ ທີ່ກຳລັງຈະເດີນທາງມາຍັງໂລກ ເຊີ່ງໃນເລື່ອງດັ່ງກ່າວ ທີມກູ້ໂລກສາມາດບັນລຸພາລະກິດດັ່ງກ່າວໄດ້ສຳເລັດ
