ຫລັງ​ຈາກ​ທີ​ເປີດ​ຕົວ​ໄປ​ເມື່ອ​ໄວໆ​ນີ້ ກໍ​ມີ feedback ໃນ​ເລື່ອງ​ທີ່​ບໍ່​ດີ​ປານໃດ​ເມື່ອ ຜູ້​ໃຊ້​ງານ  iPhone 6s ບາງ​ລາຍ ໄດ້​ເຂົ້າໄປ​ແຈ້ງ​ບັນຫາ​ຜ່ານ​ທາງ Apple support forums ເຊິ່ງ​ລະ​ບຸ​ວ່າ ປຸ່ມ Home ນັ້ນ ມີ​ອາການ​ຮ້ອນ​ຫລາຍທັງໆທີ່​ຍັງ​ບໍ່​ໄດ້​ເປີດ​ເຄື່ອງ ໃນ​ຂະນະ​ທີ່​ບາງ​ລາຍ​ເຜີຍ​ວ່າ iPhone ປິດ​ເຄື່ອງ​ເອງ​ເມື່ອ​ແບດ​ເຕີ​ຣີ່​ເຫລືອ​ໜ້ອຍ ແຖມ​ກວ່າ​ຈະ​ເປີດ​​ເຄື່ອງ​ຕິດ​ກໍ​ໃຊ້​ເວລາ​ດົນ​ພໍ​ສົມຄວນອີກ​ດ້ວຍ

ບໍ່​ພຽງ​ເທົ່າ​ນັ້ນ ບາງ​ລາຍ​ຍັງ​ພົບ​ບັນຫາ ສຽງ​ການ​ແຈ້ງ​ເຕືອນ ດັງ​ເກີນ​ໄປ ເຊີ່ງ​ຄາດ​ວ່າ ໜ້າ​ຈະ​ມີ​ບັນຫາ​ທີ່​ລຳ​ໂພງ ສ່ວນ​ບາງ​ລາຍ​ພົບ​ບັນຫາ 3D Touch ບໍ່​ເຮັດວຽກ ເປີດ​ລິ້ງເທິງ Safari ບໍ່​ໄດ້ ແຕ່​ກໍ່ເປັນ​ທີ່​ໜ້າ​ຍິນ​ດີ​ທີ່ ບໍ່​ມີ​ກະ​ແສ Bendgate ຫຼື ​ຕົວ​ເຄື່ອງ​ງໍ ສຳລັບ iPhone 6s ອີກ​ຕໍ່ໄປ ແຕ່​ສຸດ​ທ້າຍ ກໍ​ຍັງມີ​ຂໍ້​ຜິດພາດຢູ່​ດີ

ງານ​ນີ້​​ຕ້ອງ​ລໍ​ຖ້າໃຫ້ Apple ອອກ​ມາ​ຊີ້​ແຈງ​ໃນ​ເລື່ອງ​ດັ່ງ​ກ່າວ ຫຼື ຈະ​ມີ​ການເກັບ​ຄື​ນ iPhone 6s ລັອດ​ທຳອິດ​ນີ້​ ຫຼື ​ບໍ່ ຄົງ​ຕ້ອງ​ລໍຖ້າ​ຕິດ​ຕາມ​ກັນ​ຕໍ່ໄປ​ເດີ