spot_img
Homeຂ່າວພາຍ​ໃນດຣ ເວີນສະຫວັນ ໄດ້ຮັບໜ້າທີ່ເປັນຄູເຝິກ ທີມຊາດ U19

ດຣ ເວີນສະຫວັນ ໄດ້ຮັບໜ້າທີ່ເປັນຄູເຝິກ ທີມຊາດ U19

Published on

ເພື່ອ​ຮອງ​ຮັບ​ການ​​ແຂ່ງຂັນ​ເຕະບານ ຊີງ​ແຊ໊ມອາຊີ ຫລື AFC U19 Championship Bahrain 2016 ທີ່ ສປປ ລາວ​ເປັນ​ເຈົ້າພາບ ​ໃນ​ຮອບ​ຄັດ​ເລືອກ ​ລະຫວ່າງ ວັນ​ທີ 2-6 ຕຸລາ 2015 ນີ້ ​ໃຫ້​ມີ​ຜົນງານ​ໂດດ​ເດັ່ນ​ນັ້ນ ສະຫະພັນ​ບາ​ນ​ເຕະ​ແຫ່ງ​ຊາດ ​ຈຶ່ງ​ໄດ້​ມອບ​ໜ້າ​ທີ່​ໃຫ້​ແກ່ ທ່ານ ດຣ. ​ເວີນສະຫວັນ ສິວິ​ໄຊ ຮັບ​ໜ້າ​ທີ່​ເປັນ​ຄູ​ເຝິກ ​ເພື່ອ​ພັດ​ທະນາ​ນັກ​ເຕະບາ​ນຮຸ່ນ​ນີ້ ​ໃຫ້​ເປັນ​ທີ່​ປະ​ທັບ​ໃຈ​ກອງ​ເຊຍ ກໍ​ຄືຜ່ານ​ເຂົ້າ​ໄປ​ຫລິ້ນ​ໃນ​ຮອບ​​ເລິກໆ.

ທ່ານ ດຣ. ​ເວີນ​ສະຫວັນ ສີ​ວິ​ໄຊ ​ກໍ​​ເປັນ​ອີກ​ໜຶ່ງ​ຄື​ເຝິກ​ທີ່​ມີ​ປະສົບ​ການ​ຫລາຍ ​ແລະ ​ເຄີຍ​ພາ​ນັກ​ກິລາ​ບານ​ເຕະ​ທີ​ມຊາດ​ລາວ ​ຍາດ​ໄດ້ຜົນ​ງານ​ຫລາຍ​ຮຸ່ນ​ມາ​ແລ້ວ, ພ້ອມ​ນີ້ ທ່ານກໍ​ເປັນ​ຄູ​ເຝິກ​​ໃຫ້​ແກ່ ທີ​ມບານ​​ເຕະເອສ​ເຮັດ​ບີ ວຽງ​ຈັນ ທີ່​ເປັນ​ທີ​ມນ້ອງ​ໃໝ່ ​ຂອງ​ການ​ແຂ່ງຂັນ​ເຕະບານລາວ​ ພຣີ​ເມຍ​ລີກ 2015 ຍາດ​​ໄດ້​ອັນ​ດັບ​ທີ 3 ຂອງ​ຕາຕະລາງ, ຕໍ່​ຜົນງານ​ດັ່ງກ່າວ ຈຶ່ງ​ເຮັດ​ໃຫ້ສະຫະພັນ​ບານ​ເຕະ​ແຫ່ງ​ຊາດ ​ໄວ້​ເນື້ອ​ເຊື່ອ​ໃຈ ​ແລະ ມອບໜ້າ​ທີ່​ອັນ​ຊົງ​ກຽດ​ນີ້ ​ແກ່​ທ່ານ ດຣ. ​ເວີນ​ສະຫວັນ ​ແລະ ຕັ້ງ​ຄວາມ​ຫວັງ​​ໄວ້ວ່າ ນັກ​ກິລາ​ທີ​ມຊາດ​ລາວ ຈະ​ສາມາດ​​ເຂົາ​ໄປຫລິ້ນ​ໃນ​ຮອບ​ເລິກໆ ກໍ​ຄືກ​ານຍາດ​ໄດ້​ແຊ໊ມຍິ່ງ​ເປັນ​ການ​ດີ.ສໍາລັບ​ການ​ແຂ່ງຂັນ​ດັ່ງກ່າວ ມີ​ທີ​ມ​ເຂົ້າ​ຮ່ວມ​ທັງ​ໝົດ4 ທີ​ມຄືທີ​ມຊາດ​ລາວ​ເຈົ້າພາບ, ທີ​ມຊາດຍີ່​ປຸ່ນ, ທີ​ມຊາດອົສຕຣາລີ ​ແລະ ທີ​ມຊາດຟິລິບ​ປິນ​ແລະ ຈະ​ແຂ່ງຂັນ​ນັດ​ທຳ​ອິດ ​ໃນ​ວັນທີ 2 ຕຸລາ 2015 ເວລາ 16:00 ອົສຕຣາລີ ພົບ ຟີລິບປິນເວລາ 19:00 ຍີ່ປຸ່ນ ພົບ ລາວ; ວັນທີ 4 ຕຸລາ 2015 ເວລາ 16:00 ຟິລິບປິນ ພົບ ຍີ່ປຸ່ນເວລາ 19:00 ລາວ ພົບ ອົສຕຣາລີ​ ແລະ ວັນທີ 6 ຕຸລາ 2015 ເວລາ 16:00 ຍີ່ປຸ່ນ ພົບ ອົສຕຣາລີ ເວລາ 19:00 ລາວ ພົບ ຟີລິບປິນ.

12049400_1022206191133651_3665657577319571369_n

ຂອບໃຈຂ່າວຂາກ: ຂປລ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...