Homeຂ່າວຕ່າງປະເທດສັງຄົມອອນລາຍນ໌ໄທ ຖະຫຼົ່ມເວັບກະຊວງ ICT ຈົນຕາຍ

ສັງຄົມອອນລາຍນ໌ໄທ ຖະຫຼົ່ມເວັບກະຊວງ ICT ຈົນຕາຍ

Published on

ICT

ເກີດຄວາມເຄື່ອນໄຫວຂຶ້ນຢ່າງໄວ ໃນສັງຄົມອອນລາຍນ໌ໃນຕອນບ່າຍ ຂອງວັນທີ 30 ກັນຍາ 2015 ເມື່ອຊາວສັງຄົມອອນລາຍນ໌ ຮ່ວມໃຈກັນປະຕິບັດການຖະຫຼົ່ມ ເວັບໄຊຂອງກະຊວງ ເຕັກໂນໂລຊີແລະການສື່ສານ ຫຼື ໄອຊີທີ (ຂອງໄທ) ຈົນເຮັດໃຫ້ເວັບໄຊບໍ່ສາມາດໃຊ້ງານໄດ້ ໂດຍມີຂໍ້ຄວາມລະບຸໃນໂລກອອນລາຍນ໌ວ່າ ປະຕິບັດການຄັ້ງນີ້ ມີຂຶ້ນເພື່ອສະແດງພະລັງຄັດຄ້ານ ການເດິນໜ້າລະບົບ Single Gateway ເຊິ່ງກະຊວງ ໄອຊີທີ ເປັນຕົວຕັ້ງຕົວຕິງ ຮ່ວມກັບສຳນັກງານຕຳຫຼວດແຫ່ງຊາດ ໃນການສຶກສາແນວທາງ ເພື່ອຕິດຕັ້ງລະບົບດັ່ງກ່າວ.

ປະຕິບັດການແບບຟ້າແມບນີ້ ສືບເນື່ອງມາຈາກລັດຖະບານໄທ ມີທ່າທີຈະວາງລະບົບ Single Gate way ເພື້ອຄວບຄຸມການຈະລາຈອນຂໍ້ມູນ ທາງອິນເຕີເນັດຈາກເວັບໄຊຕ່າງປະເທດ ເຂົ້າໄປໃນປະເທດໄທ ເຊິ່ງຫຼາຍຝ່າຍໂດຍສະເພາະປະຊາຊົນ ຜູ້ໃຊ້ອິນເຕີເນັດແລະຜູ້ປະກອບການໄອທີ ລວມທັງຊາວເກມເມີ ຕ່າງສະແດງຄວາມກັງວົນຕໍ່ການ ໃຊ້ລະບົບ SingleGateway ວ່າຈະສົ່ງຜົນຕໍ່ຄວາມໄວ ໃນການໃຊ້ອິນເຕີເນັດ ທີ່ຊ້າລົງ ເນື່ອງຈາກທາງເຂົ້າ – ອອກຂອງຂໍ້ມູນ ຖືກຈຳກັດເຫຼືອພຽງຊ່ອງທາງດຽວ ແລະການກັ່ນຕອງຂໍ້ມູນໂດຍ ໜ່ວຍງານພາກລັດທີ່ຮັບຜິດຊອບ ຈົນມີການວິພາກວິຈານຫຼາຍຂຶ້ນ ເຖິງແມ່ນວ່າທາງລັດຖະບານ ຈະອອກມາກ່າວວ່າ ລະບົບດັ່ງກ່າວ ຍັງຢູ່ໃນໄລຍະສຶກສາແນວທາງ ແລະຄວາມເປັນໄປໄດ້ ແລະຢືນຢັນວ່າເຮັດເພື່ອ ສົ່ງເສີມການຈະເລີນເຕີບໂຕ ທາງເສດຖະກິດແລະບໍ່ລ່ວງລະເມີດ ສິດທິສ່ວນບຸກຄົນ ແຕ່ກໍບໍ່ອາດຈະຫຼຸດແຮງຕໍ່ຕ້ານ ທີ່ຄ່ອຍໆຫຼາຍຂຶ້ນ ເພາະຫຼາຍຄົນເຊື່ອວ່າ ທີ່ສຸດແລ້ວລັດຖະບານຈະເດິນໜ້າ ໂຄງການດັ່ງກ່າວ.

ຕາມກຳນົດວ່າ ຫຼັງຈາກ 22 ໂມງ ໃຫ້ທຸກຄົນສະແດງພະລັງເຂົ້າຊົມ ເວັບໄຊກະຊວງ ໄອຊີທີ ພ້ອມປະຕິບັດຕາມການແນະນຳ ຂອງຫົວໜ້າກຸ່ມຕໍ່ຕ້ານທີ່ບໍ່ປະສົງອອກນາມ ແຕ່ຍັງບໍ່ເຖິງ 18 ໂມງຊ້ຳ ເວັບໄຊກະຊວງ ໄອຊີທີ ຂອງໄທກໍຂັດຂ້ອງ ໃຊ້ການບໍ່ໄດ້.

ICT

ຖັດຈາກນັ້ນບໍ່ທໍ່ໃດຊົ່ວໂມງ ເວັບໄຊ ບໍລິສັດ ກສທ ໂທລະຄົມມະນາຄົມ ກໍໃຊ້ການບໍ່ໄດ້ຕື່ມອີກ.

ເຊິ່ງບໍ່ດົນກໍມີຂໍ້ຄວາມຜ່ານສັງຄົມ ອອນລາຍນ໌ ລະບຸວ່າ: ແມ່ນແຕ່ໂຕເອງລັດຖະບານ ຍັງບໍ່ສາມາດຄຸ້ມຄອງໄດ້ ປະສາຫຍັງຈະໃຫ້ຄຸ້ມຄອງພວກເຮົາໄດ້.

ກຸ່ມປະຊາຊົນທີ່ລວມພະລັງຄັດຄ້ານ ການໃຊ້ລະບົບ SingleGateway ໄດ້ລະບຸວ່າ ພວກເຂົາຕ້ອງການຄວາມ ມີເສລີພາບໃນການນຳໃຊ້ສື່ ແລະເສລີພາບໃນການອອກຄຳຄິດເຫັນ ຕໍ່ບັນຫາສັງຄົມ ບ້ານເມືອງ.

ແນວໃດກໍຕາມ, ຝ່າຍລັດຖະບານໄທໄດ້ອອກມາ ກ່າວຕອບໂຕ້ວ່າ ການກະທຳຂອງສັງຄົມອອນລາຍນ໌ ດັ່ງກ່າວນັ້ນ ເປັນວິທີທີ່ບໍ່ຖືກຕ້ອງ ບໍ່ໄດ້ປະໂຫຍດຫຍັງ ທາງທີ່ດີມາຮ່ວມມືກັນ ນຳໃຊ້ຄວາມຮູ້ຄວາມສາມາດ ປະກອບສ່ວນໃຫ້ສັງຄົມຈະດີກວ່າ.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...