ຂປລ.ຕາມ ຂ່າວ ຕ່າງປະເທດ, ໃນວັນທີ 27 ກັນຍາ 2015, ທ່ານ ສີ ຈີ້ນຜິງ, ປະທານ ປະເທດຈີນ ໄດ້ກ່າວຕໍ່ ກອງປະຊຸມ ສຸດຍອດ ຜູ້ນຳໂລກ ວ່າດ້ວຍ ການພັດທະນາ ແບບຍືນຍົງ ຂອງສະຫະປະຊາຊາດ ໃນນະຄອນ ນີວຢອກຂອງ ສ. ອາເມລິກາ ໄດ້ສະເໜີແຜນ 4 ຂໍ້ ເພື່ອການ ພັດທະນາໂລກ ໃຫ້ມີ ສັນຕິພາບ ແລະ ພັດທະນາ ແບບຍືນຍົງ.
ການພັດທະນາ ດັ່ງກ່າວ ປະກອບດ້ວຍ ປະເທດຕ່າງໆ ຕ້ອງເພີ່ມຂີດ ຄວາມສາມາດ ໃນການພັດທະນາ ໃຫ້ຫລາຍຂຶ້ນ ໂດຍປະເທດ ພັດທະນາແລ້ວ ຕ້ອງຊ່ວຍເຫລືອ ປະເທດ ພວມພັດທະນາ ລວມ ທັງ ການປັບປຸງ ສິ່ງແວດລ້ອມ ລະຫວ່າງ ປະເທດ ເພື່ອເອື້ອຍອຳນວຍ ຕໍ່ການພັດທະນາ ເນື່ອງຈາກ ສັນຕິພາບ ແລະ ການພັດທະນາຈະຕ້ອງໄປຄູ່ກັນ. ນອກນີ້ ປະເທດຕ່າງໆ ມີຄວາມຈຳເປັນທີ່ ຈະຕ້ອງຂະຫຍາຍ ຄວາມຮ່ວມມື ໃນການພັດທະນາ ກັບປະເທດ ທີ່ເປັນຫຸ້ນສ່ວນ ໃຫ້ຫລາຍຂຶ້ນ ແລະ ເພີ່ມຄວາມເຂັ້ມແຂງ ໃນການພັດທະນາ ກົນໄກແຫ່ງ ການຮ່ວມມື ລະຫວ່າງກັນ ເພື່ອການພັດທະນາ ແບບຍືນຍົງ ຕໍ່ໄປ.
ແຫລ່ງຂ່າວ:
