ຜູ້ປະກາດຂ່າວຊາຍຊ່ອງ ABC ຂອງສະຫາລັດ ເຮັດເຊີລ໌ໄພສ໌ໂລແມນຕິກ ຄຸກເຂົ່າຂໍແຟນໜຸ່ມແຕ່ງງານໜ້າຫໍໄອເຟລລະຫວ່າງໄປທົວຍຸໂຣບ ດ້ານຊາວເນັດແຫ່ຮ່ວມສະແດງຄວາມຍິນດີຜ່ານອິນສະຕາແກຣມ ຢາກມີແບບນີ້ ພາກັນອິດສາເຕັມເລີຍ!
ເມື່ອວັນທີ່ 21 ກັນຍາ ເວັບໄຊຕ໌ເດລີ່ເມລ ເປີດເຜີຍການຂໍແຕ່ງງານສຸດຊື້ງກິນໃຈໜ້າຫໍໄອເຟລຂອງຄູ່ຜູ້ປະກາດຂ່າວຊາຍ ແລະ ແຟນໜຸ່ມ ເຮັດໃຫ້ຍິງສາວນ້ອຍໃຫຍ່ທົ່ວໂລກຕ້ອງໃຈລະລາຍໄປກັບຄວາມຫວານສຸດໂລແມນຕິກຂອງພາບເທິງອິນສະຕາແກຣມສ່ວນຕົວຂອງທັງຄູ່ ເມື່ອມື້ວັນທີ່ 17 ກັນຍາທີ່ຜ່ານມາ
ຈິໂອ ເບນິເຕ ຜູ້ປະກາດຂ່າວແຫ່ງຊ່ອງ ABC ທີ່ດຳເນີນລາຍການຂ່າວເຊົ້າຊື່ດັ່ງຢ່າງ ກູດມໍນິ່ງອາເມຣິກາ ໄດ້ເຮັດເຊີລ໌ໄພສ໌ໃຫ້ແຟນໜຸ່ມ ທອມມີ່ ດິດາລິໂອ ບຣັອກເກີໄລຟ໌ສະໄຕລ໌ ດ້ວຍການຄຸກເຂົ່າມອບແຫວນແຕ່ງງານ ທີ່ໜ້າສັນຍະລັກແຫ່ງນະຄອນຫລວງປາລີດ ຫລື ຫໍໄອເຟລ ຂະນະກຳລັງອອກອາກາດທົວຮອບຍຸໂຣບ
ພ້ອມກັນນີ້ ຈິໂອຍັງໄດ້ວ່າຈ້າງຊ່າງພາບຝີມືດີຂອງຝຣັ່ງໃຫ້ບັນທຶກນາທີສຳຄັນຂອງຊີວິດເອົາໄວ້ ເກີດເປັນພາບຖ່າຍຫວານຊື້ງສຸດໂຣແມນຕິກ ທີ່ລາວເອງໄດ້ໄປໄປໂພສ໌ລົງໃນອິນສະຕາແກຣມສ່ວນຕົວ ເຮັດເອົາຊາວເນັດຈຳນວນຫລາຍຮືຮາ ແລະ ແຫ່ເຂົ້າມາກົດໄລຄ໌ຫລາຍເຖິງ 8,980 ເທື່ອ ພ້ອມຮ່ວມສະແດງຄວາມຍິນດີໃນຮັກແທ້ຂອງທັງຄູ່ກັນຢ່າງຫລວງຫລາຍ
ນອກຈາກນີ້ ຈິໂອແລະທອມມີ່ ຍັງໄດ້ໂພສ໌ພາບການທີ່ທັງຄູ່ເຂົ້າກອດກັນ ແລະ ພາບທີ່ທັງສອງຈັບມືພ້ອມໂຊແຫວນແຕ່ງງານທີ່ເຂົ້າຄູ່ກັນອີກ ສ້າງຄວາມອິ່ມອົກອິ່ມໃຈໃຫ້ກັບບັນດາຊາວເນັດທີ່ຊື່ນຊົມຄວາມຮັກຂອງຊາຍໜຸ່ມທັງສອງໄດ້ຫລາຍ
