ກິ່ນ ແລະ ຄວັນ ຂອງລົດຈັກຄູ່ໃຈ ເກີດຂຶ້ນຈາກຫຍັງ
ມື້ນີ້ເຮົາຈະແກ້ໄຂບັນຫານີ້ເບື້ອງຕົ້ນຈັ່ງໃດດີ ເຮົາມີຄຳຕອບ
ຄວັນ ແລະ ກິ່ນຈາກລົດຈັກ
ກ່ອນອື່ນເຮົາມາເບິ່ງໃນສ່ວນຂອງສາເຫດທີ່ເຮັດໃຫ້ເກີດອາການນີ້ກັນກ່ອນເລີຍ ໂດຍໃຫ້ເຮົາລອງສັງເກດກິ່ນແປກໆ ຫລືກິ່ນທີ່ເຮົາຮູ້ສຶກວ່າມັນອອກມາຈາກສ່ວນຕ່າງໆ ຂອງລົດກ່ອນເລີຍ ວ່າມັນມີຄວາມຜິດປົກກະຕິ ຫຼື ບໍ່ ເຊັ່ນ ກິ່ນໄໝ້, ກິ່ນນ້ຳມັນທີ່ອາດຈະຮົ່ວໄຫຼ ເປັນຕົ້ນ ຊຶ່ງຫາກມີກິ່ນດັ່ງກ່າວນີ້ ອາດເປັນໄປໄດ້ວ່າລົດຄູ່ໃຈຂອງເຮົາອາດຈະມີໄຟຟ້າລັດວົງຈົນໃນບາງຈຸດ ຫຼື ເກີດການຮົ່ວຊຶມຂອງນ້ຳມັນເຊື້ອເພີງນັ້ນເອງ
ຄວັນອາດຈະເກີດຂຶ້ນຈາກໄຟຟ້າລັດວົງຈອນ
ສຳລັບຄວັນທີ່ມາພ້ອມກັບກິ່ນອັນບໍ່ພຶງປະສົງນີ້ ອາດຈະເກີດຂຶ້ນເພາະ ເມື່ອມີຈຸດທີ່ໄຟຟ້າລັດວົງຈົນກໍມັກຈະມີຄວັນຕາມມາດ້ວຍ ຊຶ່ງຫາກເປັນກໍລະນີນີ້ຈະເຮັດໃຫ້ການກວດສອບສາມາດເຮັດໄດ້ງ່າຍຂຶ້ນ ເຊັ່ນ ກວດເຊັກດ້ວຍຕາເປົ່າ ຈາກຈຸດທີ່ຄວັນດັ່ງກ່າວນັ້ນອອກມາ
ວິທີແກ້ໄຂເບື້ອງຕົ້ນ ເມື່ອລົດຈັກສົ່ງກິ່ນ ແລະ ຄວັນອອກມາ
ສ່ວນວິທີແກ້ໄຂເບື້ອງຕົ້ນນັ້ນສາມາດເຮັດໄດ້ໂດຍ
- ຈອດລົດໃນທີ່ປອດໄພ
- ດັບເຄື່ອງຈັກທັນທີ
- ຮີບຂໍຄວາມຊ່ວຍເຫຼືອ ແລະ ນໍາລົດເຂົ້າສູນບໍລິການ ຫຼື ຮ້ານແປງລົດທັນທີ
- ໃນລະຫວ່າງລໍຖ້າໃຫ້ລອງສັງເກດວ່າຈຸດໃດທີ່ມີຄວັນ ແລະ ລະງັບແປວໄຟທີ່ເກີດຂື້ນ ເພື່ອປ້ອງກັນການລຸກໄໝ້
- ຫາກມີຄວາມຮູ້ໃນເລື່ອງຂອງຊ່າງຈັກ ໃຫ້ເຮົາຖອດຂົ້ວແບດເຕີຣີ່ອອກກ່ອນ ເພື່ອຄວາມປອດໄພ
ກວດສອບລົດຈັກໃຫ້ພ້ອມໃຊ້ງານຢູ່ສະໝ່ຳສະເໝີ
ເພື່ອປ້ອງກັນອຸປະຕິເຫດທີ່ອາດເກີດຂຶ້ນໄດ້