spot_img
Homeຂ່າວພາຍ​ໃນເປີດງານວາງສະແດງ ແລະ ຂາຍສິນຄ້າຍີ່ປຸ່ນ ປີ 2013

ເປີດງານວາງສະແດງ ແລະ ຂາຍສິນຄ້າຍີ່ປຸ່ນ ປີ 2013

Published on

ເປີດງານວາງສະແດງ ແລະ ຂາຍສິນຄ້າຍີ່ປຸ່ນ ປີ 2013

ງານ​ວາງສະແດງ ແລະ ຂາຍ​ສິນຄ້າ​ຍີ່ປຸ່ນ ປີ 2013 ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 7-9 ພະຈິກ 2013 ນີ້ ຢູ່​ທີ່​ຫໍ​ວັດທະນະທຳ​ແຫ່ງ​ຊາດ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ​ນາງ ເຂັມ​ມະນີ ພົນ​ເສນາ ລັດຖະມົນຕີ​ຊ່ວຍ​ວ່າການ ກະຊວງ​ອຸດສາຫະກຳ ແລະ ການ​ຄ້າ ທ່ານ ສົມ​ຈິດ ອິນ​ທະ​ມິດ ລັດຖະມົນຕີ​ຊ່ວຍ​ວ່າການ​ກະຊວງ​ແຜນການ ແລະ ການ​ລົງທຶນ ທ່ານ ຮີ​ໂຣ​ຍຸ​ກິ ກິ​ຊີ​ໂນະ ເອກ​ອັກຄະລາຊະທູດ​ຍີ່ປຸ່ນ ປະຈຳ ​ສປປ ລາວ ທ່ານ ເຊ​ຊິ​ໂອະ ອີ​ຈຸ​ຈິ ປະທານ​ອົງການ JETRO Bangkok ພ້ອມ​ດ້ວຍ​ບັນດາ​ພະ​ແນກ ແລະ ຊາວ​ນະຄອນຫຼວງ​ວຽງ​ຈັນ ເຂົ້າ​ຮ່ວມ.

ໃນ​ງານ​ວາງສະແດງ​ຄັ້ງ​ນີ້ ແມ່ນ​ໜຶ່ງ​ໃນ​ງານ​ບຸນມະໂຫລານ​ຍີ່ປຸ່ນ ຄັ້ງ​ທີ 2 ເຊິ່ງ​ຈັດ​ໂດຍ​ຄະນະ​ກຳມະການ​ຜູ້​ບໍລິຫານ​ອົງການ JETRO Bangkok ແລະ ອົງການ​ທີ່​ກ່ຽວຂ້ອງ​ກັບ​ລັດຖະບານ​ຍີ່ປຸ່ນ ທີ່​ມາ​ຈາກ​ລາວ ໄທ ຫວຽດນາມ ແລະ ຍີ່ປຸ່ນ ເນື່ອງ​ໃນ​ໂອກາດ ຄົບຮອບ 40 ປີ​ແຫ່ງ​ມິດຕະພາບ ແລະ ການ​ຮ່ວມ​ມື​ຍີ່ປຸ່ນ-ອາ​ຊຽນ ສະຖານທູດ​ຍີ່ປຸ່ນ.

ງານ​ຄັ້ງ​ນີ້​ຈັດ​ຂຶ້ນ​ເພື່ອ​ເປັນ​ການ​ຊຸກຍູ້ ເປັນ​ການ​ແນະນຳ ແລະ ໂຄສະນາ​ສິນຄ້າ​ຍີ່ປຸ່ນ​ທີ່​ມີ​ຄຸນ​ນະ​ພາບ​ສູງ​ໃຫ້​ແກ່​ຄົນ​ລາວ ໄດ້​ຮັບ​ຮູ້ ແລະ ເພື່ອ​ເປັນ​ການ​ຊຸກຍູ້​ສົ່ງເສີມ​ຜົນ​ປະໂຫຍດ​ທາງ​ການ​ຄ້າ ແລະ ການ​ລົງທຶນ​ເຊິ່ງ​ກັນ ແລະ ກັນ ລະຫວ່າງ 2 ປະເທດ ລາວ-ຍີ່ປຸ່ນ ງານ​ວາງສະແດງ​ຄັ້ງ​ນີ້ ໄດ້​ມີ 20 ບໍລິສັດ​ເຂົ້າ​ຮ່ວມ ເຊິ່ງ​ປະກອບ​ມີ​ເຄື່ອງ​ອີ​ເລັກ​ໂຕຼ​ນິກ ເຄື່ອງ​ອຸປະໂພກ ບໍລິໂພກ ແລະ ເຄື່ອງໃຊ້​ສອຍ​ຕ່າງໆ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...