spot_img
Homeຂ່າວພາຍ​ໃນວຽກແຮງງານ ແລະ ສະຫວັດດີການ-ສັງຄົມ ຕ້ອງເອົາໃຈໃສ່ 7 ບັນຫາ

ວຽກແຮງງານ ແລະ ສະຫວັດດີການ-ສັງຄົມ ຕ້ອງເອົາໃຈໃສ່ 7 ບັນຫາ

Published on

ວຽກແຮງງານ ແລະ ສະຫວັດດີການ-ສັງຄົມ ຕ້ອງເອົາໃຈໃສ່ 7 ບັນຫາ

ກອງ​ປະຊຸມ​ໃຫຍ່ ຄັ້ງ​ທີ 9 ຂອງ​ພັກ ໄດ້​ກຳນົດ​ຈະແຈ້ງ​ກ່ຽວ​ກັບ​ນະໂຍບາຍ ແລະ ຄາດໝາຍ​ຕົ້ນຕໍ​ດ້ານ​ສີມື​ແຮງ​ງານ ແລະ ສະຫວັດດີ​ການ-ສັງຄົມ​ຄື: “ພັດທະນາ ແລະ ສ້າງ​ກຳລັງ​ແຮງ​ງານ​ລາວ ໃຫ້​ມີ​ສີມື​ດີ ມີ​ຄວາມ​ສາມາດ ມີ​ທັດສະນະ​ຄະຕິ ແລະ ລະບຽບ​ວິໄນ ມີ​ວຽກ​ເຮັດ​ງານ​ທຳ​ທີ່​ເໝາະ​ສົມ ເຮັດ​ໃຫ້​ຜູ້​ອອກແຮງ​ງານ ໄດ້​ຮັບ​ການ​ປົກ​ປ້ອງ​ຄຸ້ມ​ຄອງ ແລະ ໄດ້​ຮັບ​ສະຫວັດດີ​ການ​ທີ່​ດີ​ກວ່າ​ເກົ່າ ປະຕິບັດ​ນະໂຍບາຍ​ຕອບ​ບຸນ​ແທນ​ຄຸນ ຕໍ່​ຜູ້​ທີ່​ມີ​ຄຸນງາມຄວາມດີ ອຸທິດ​ໃນ​ພາລະກິດ​ຕໍ່ສູ້​ກູ້​ຊາດ ກໍ​ຄື​ພາລະກິດ​ປົກ​ປັກ​ຮັກສາ ແລະ ສ້າງສາ​ລະບອບ​ໃໝ່​ໃຫ້​ທົ່ວ​ເຖິງ ພ້ອມ​ກັນ​ນັ້ນ ກໍ​ພັດທະນາ​ລະບົບ​ສະຫວັດດີ​ການ​ສັງຄົມ​ໃຫ້​ເຂັ້ມແຂງ ປຸກລະດົມ​ໃຫ້​ທົ່ວ​ສັງຄົມ​ໃຫ້​ມີ​ສ່ວນ​ຮ່ວມ ໃນ​ການ​ເບິ່ງແຍງ​ຊ່ວຍເຫຼືອ​ຜູ້​ດ້ອຍ​ໂອກາດ ແລະ ຜູ້​ປະສົບ​ເຄາະ​ຮ້າຍ​ຈາກ​ໄພພິບັດ​ຕ່າງໆ”.

ທ່ານ ອາ​ຊາງ ລາວ​ລີ ຮອງ​ນາຍົກລັດຖະມົນຕີ ຜູ້​ຊີ້​ນຳ​ວຽກ​ງານ​ວັດທະນະທຳ-ສັງຄົມ ໄດ້​ໃຫ້​ກຽດ​ເຂົ້າ​ຮ່ວມ ແລະ ໂອ້​ລົມ ກອງ​ປະຊຸມ​ວຽກ​ງານ​ແຮງ​ງານ ແລະ ສະຫວັດດີ​ການ-ສັງຄົມ ທົ່ວ​ປະເທດ ທີ່​ຈັດ​ຂຶ້ນ​ລະຫວ່າງ​ວັນ​ທີ 5-7 ພະຈິກ 2013 ຢູ່​ນະຄອນຫຼວງ​ວຽງ​ຈັນ ເຊິ່ງ​ທ່ານ​ຮອງ​ນາຍົກລັດຖະມົນຕີ ໄດ້​ສະແດງ​ຄວາມ​ຍ້ອງຍໍ​ຕໍ່​ຜົນສຳເລັດ ທີ່​ຂະແໜງ​ແຮງ​ງານ​ຂອບ​ເຂດ​ທົ່ວ​ປະເທດ​ຍາດ​ມາ​ໄດ້ ພ້ອມ​ນັ້ນ​ກໍ​ຮຽກຮ້ອງ​ໃຫ້​ການຈັດຕັ້ງ​ປະຕິບັດ​ວຽກ​ງານ​ໃນຕໍ່ໜ້າ ເພີ່ມ​ທະວີ​ຄວາມ​ຮັບຜິດຊອບ​ໃນ 7 ບັນຫາ​ສຳຄັນ​ຄື: ວຽກ​ງານ​ສຶກ​ສາ​ອົບຮົມ​ການເມືອງ-ແນວ​ຄິດ ຕິດ​ພັນ​ກັບ​ການຈັດຕັ້ງ​ປະຕິບັດ​ວຽກ 3 ສ້າງ​ທີ່​ພັກ-ລັດຖະບານ​ວາງ​ອອກ ວຽກ​ງານ​ການ​ພັດທະນາ​ກຳລັງ​ແຮງ​ງານ​ລາວ ໃຫ້​ສາມາດ​ແຂ່ງຂັນ​ກັບ​ແຮງ​ງານ​ຕ່າງປະເທດ ຕະຫຼອດ​ຮອດ​ການ​ເອົາໃຈໃສ່​ຈັດ​ຫາ​ວຽກ​ເຮັດ​ງານ​ທຳ ໃຫ້​ແກ່​ແຮງ​ງານ​ທັງ​ພາຍ​ໃນ ແລະ ຕ່າງປະເທດ ວຽກ​ງານ​ການ​ຄຸ້ມ​ຄອງ​ຜູ້​ອອກແຮງ​ງານ ທີ່​ເຮັດ​ວຽກ​ໃນ​ຫົວໜ່ວຍ​ແຮງ​ງານ ທີ່ຢູ່​ເຂດ​ຫ່າງ​ໄກ​ສອກຫຼີກ ວຽກ​ງານ​ການຈັດຕັ້ງ ແລະ ປະຕິບັດ​ນະໂຍບາຍ​ປະກັນ​ສັງຄົມ ໃຫ້​ມີ​ຄວາມ​ສອດຄ່ອງ​ກັບ​ສະພາບ​ການ​ພັດທະນາ​ເສດຖະກິດ-ສັງຄົມ​ຕົວ​ຈິງ ວຽກ​ງານ​ການ​ປັບ​ການຈັດຕັ້ງ​ປະຕິບັດ​ນະໂຍບາຍ ແກ່​ຜູ້​ມີ​ຄຸນງາມຄວາມດີ ນັກ​ປະວັດ​ອາວຸໂສ ຕ້ອງ​ມີ​ຄວາມ​ສອດຄ່ອງ​ໃຫ້​ທ່ວງ​ທັນ​ກັບ​ເວລາ ວຽກ​ງານ​ປະຕິບັດ​ນະໂຍບາຍ​ສົງເຄາະ ຊ່ວຍເຫຼືອ​ຜູ້​ປະສົບ​ໄພພິບັດ​ທຳ​ມະ​ຊາດ​ຕ່າງໆ ຕ້ອງ​ລົງ​ຕິດຕາມ-ກວດກາ​ຕົວ​ຈິງ​ໃຫ້ການ​ຊ່ວຍເຫຼືອ​ທີ່​ຖືກ​ຈຸດ ແລະ ວຽກ​ງານ​ການ​ປະຕິບັດ 3 ສ້າງ ຂະແໜງ​ແຮງ​ງານ ແລະ ສະຫວັດດີ​ການ-ສັງຄົມ ຕ້ອງ​ແບ່ງ​ວຽກ​ງານ​ຄວາມ​ຮັບຜິດຊອບ​ລະຫວ່າງ​ສູນ​ກາງ ແລະ ທ້ອງຖິ່ນ ໃຫ້​ຊັດ​ເຈນ​ຍິ່ງ​ຂຶ້ນ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...