ສຳນັກຂ່າວຕ່າງປະເທດ ລາຍງານໃນວັນທີ 22 ກັນຍາຜ່ານມານີ້ວ່າ ເກີດເຫດອາຄານເກົ່າ 2 ຊັ້ນ ຖະຫລົ່ມຢູ່ນະຄອນຫລວງຮ່າໂນ້ຍ ຊຶ່ງມີປະຊາຊົນເກືອບ 20 ຄົນ ອາໄສຢູ່ພາຍໃນອາຄານເກົ່າດັ່ງກ່າວ ໂດຍເຈົ້າໜ້າທີ່ສາມາດຊ່ວຍເຫລືອຜູ້ປະສົບເຫດໄດ້ 15 ຄົນ ໃນນັ້ນມີ 5 ຄົນໄດ້ຮັບບາດເຈັບສາຫັດ ໂດຍມີຜູ້ເສຍຊີວິດ 1 ຄົນ ແລະ ຍັງມີຜູ້ຕິດຢູ່ພາຍໃນອາຄານອີກ 2 ຄົນ.
ທັງນີ້ ອາຄານດັ່ງກ່າວ ແມ່ນມີສະພາບຊຸດໂຊມ ແລະ ເກົ່າແກ່ ຊຶ່ງກຳລັງຢູ່ໃນໄລຍະປັບປຸງ ໂດຍເຈົ້າໜ້າທີ່ກ່ຽວຂ້ອງ ຈະທຳການສືບສວນຊອກຫາສາເຫດຂອງອຸບັດເຫດອາຄານຖະຫລົ່ມດັ່ງກ່າວນີ້.