ສຳນັກຂ່າວຕ່າງປະເທດ ລາຍງານໃນວັນທີ 23 ກັນຍານີ້ວ່າ ລັດຖະມົນຕີພາຍໃນຂອງບັນດາປະເທດສະມາຊິກສະຫະພາບເອີຣົບ ຫລື ອີຢູ ໄດ້ປະຊຸມກັນຢູ່ນະຄອນຫລວງບຣຸກແຊນ ປະເທດແບນຊິກ ໃນມື້ວານນີ້ (22 ກັນຍາ) ໂດຍໄດ້ບັນລຸຂໍ້ຕົກລົງຮ່ວມກັນ ໃນການກະຈາຍຜູ້ອົບພະຍົບຈາກປະເທດອີຕາລີ, ເກຣັກ, ຮົງກາຣີ ຈຳນວນ 120,000 ຄົນ ໄປຍັງປະເທດສະມາຊິກອື່ນໆ ໂດຍກຳນົດໃຫ້ສຳເລັດພາຍໃນສອງປີ.
ທັງນີ້ ສະຫະປະຊາຊາດໄດ້ເປີດເຜີຍວ່າ ນັບຕັ້ງແຕ່ກ້າວເຂົ້າສູ່ປີ 2015 ແມ່ນມີຜູ້ອົບພະຍົບໜີຄວາມຮຸນແຮງ ແລະ ຄວາມທຸກຍາກຈາກຕາເວັນອອກກາງ ຂ້າມທະເລເຂົ້າສູ່ທະວີບເອີຣົບແລ້ວເຖິງ 480,000 ຄົນ.