ແຫຼ່ງຂ່າວຈາກ ແຂວງຈຳປາສັກ ລາຍງານໃຫ້ຮູ້ວ່າ ມື້ນີ້ ວັນທີ 22 ກັນຍາ 2015 (ມື້ນີ້) ພະແນກອຸດສາຫະກຳແລະການຄ້າ ແຂວງຈຳປາສັກ ໄດ້ລົງກວດກາຮ້ານຂາຍເຄື່ອງສົ່ງ ຂອງພໍ່ຄ້າຄົນຈີນ ຢູ່ເມືອງປາກເຊ ແຂວງຈຳປາສັກນວນໜຶ່ງ ແລະໄດ້ພົບເຫັນສິນຄ້າໝົດອາຍຸຫຼາຍລາຍການ ເຊິ່ງສ່ວນຫຼາຍເປັນປະເພດເຂົ້າໜົມ. ແລະກຳລັງຮວບຮວມຂໍ້ມູນ ເພື່ອດຳເນີນການຕາມກົດໝາຍ.
ດັ່ງນັ້ນ, ເຈົ້າໜ້າທີ່ຊຸດດັ່ງກ່າວ ຈຶ່ງຝາກເຕືອນມາຍັງພໍ່ແມ່ປະຊາຊົນ ຜູ້ບໍລິໂພກວ່າ ເວລາຊື້ສິນຄ້າຕ່າງໆ ໂດຍສະເພາະແມ່ນປະເພດເຂົ້າໜົມ ຫຼືອາຫານການກິນຕ່າງໆ ທີ່ນຳເຂົ້າຈາກຕ່າງປະເທດ ຂໍໃຫ້ກວດກາເບິ່ງວັນທີໝົດອາຍຸຂອງສິນຄ້າ ຢ່າງຄັກແນ່ ຖ້າບໍ່ມີການລະບຸວັນເດືອນປີຜະລິດ ແລະໝົດອາຍຸ ເຖິງແມ່ນວ່າລາຄາຈະຖືກ ແຕ່ກໍຄວນຫຼີກລ້ຽງບໍ່ຮັບປະທານ ທັງນີ້ກໍເພື່ອຄວາມປອດໄພຂອງສຸຂະພາບ.
