ສຳນັກຂ່າວຕ່າງປະເທດ ລາຍງານໃນວັນທີ 18 ກັນຍາຜ່ານມານີ້ວ່າ ມີຊາວປະມົງຫວຽດນາມເສຍຊີວິດ 1 ຄົນ ແລະ ໄດ້ຮັບບາດເຈັບ 2 ຄົນ ຈາກການຖືກເຮືອ Thai Police 528 ຂອງຕຳຫລວດໄທໂຈມຕີ ເນື່ອງຈາກເຮືອປະມົງຂອງຫວຽດນາມ ໄດ້ເຂົ້າໄປຫາປາຢ່າງຜິດກົດໝາຍໃນເຂດນ່ານນ້ຳຂອງໄທ ຊຶ່ງໂຄສົກກະຊວງການຕ່າງປະເທດຫວຽດນາມໄດ້ອອກມາລະບຸວ່າ ຫວຽດນາມຂໍປະນາມການກະທຳທີ່ໄຮ້ມະນຸດສະທຳດັ່ງກ່າວ ໂດຍການໃຊ້ກຳລັງ ຫລື ການຄຸກຄາມຕໍ່ກັບຊາວປະມົງຫວຽດນາມ ພ້ອມທັງໄດ້ລະບຸອີກວ່າ ລັດຖະບານຫວຽດນາມໄດ້ຮ້ອງຂໍໃຫ້ທາງການໄທ ເຂົ້າສືບສວນເຫດການທີ່ເກີດຂຶ້ນ ແລ້ວລົງໂທດຜູ້ທີ່ກ່ຽວຂ້ອງ ແລະ ຊົດເຊີຍຄວາມເສຍຫາຍໃຫ້ແກ່ຊາວປະມົງ.