ຂປລ. ຕາມ​ຂ່າວ​ຕ່າງປະ​ເທດ, ວັນ​ທີ 17 ກັນ​ຍາ 2015, ຄະນະກຳມະການ​ເສດຖະກິດ ​ແລະ ສັງຄົມ​ເອີຣົບ (EESC) ​ໄດ້​ຮຽກຮ້ອງ​​ ຢູ່​ກອງ​ປະຊຸມ​ຂ່າວ ​ໂດຍ​ໃຫ້​ດຳ​ເນີນງານ ຢ່າງ​ຮີ​ບດ່ວນ ​ເພື່ອ​ຕ້ານ​ການ​ສໍ້​ລາດບັງ​ຫລວງ ​ແລະ ເຄື່ອນໄຫວ ໃນທາງທ່ີບໍ່ຖືກຕ້ອງ  ສ້າງ​ຜົນ ​ເສຍ​ຫາຍ​ ​ເຖິງ 120 ຕື້​ເອີ​ໂຣ / ປີ, ​ເທົ່າ​ກັບ 1% ຂອງ​ລວມຍອດ ​ຜະລິດ​ຕະພັນ ພາຍ​ໃນ(GDP) ຂອງ ສະຫະພາບ ​ເອີຣົບ (EU).

ທ່ານ ​ເຮ​ນຣີ ມາ​ໂລ​ສ​ເຊີ ປະທານ EESC ​​ໄດ້​ຮຽກຮ້ອງ ​ໃຫ້ ບັນດາ​ ອົງການ​ ຈັດ​ຕັ້ງ​ເອີຣົບ ​ແລະ ບັນດາ ​ປະ​ເທດ ສະມາຊິກ EU  ​ ໃຫ້​ຮ່ວມ​ມື​ກັນ ​ເພື່ອ​ຈຳກັດ ​ຜົນ​ກະທົບຂອງ ການ​ສໍ້​ລາດ​ ບັງຫລວງ ກັບ ມະນຸດ ​ແລະ ພື້ນຖານ ​ເສດຖະກິດ. ​ເປົ້າ​ໝາຍ​ ຂອງ​ການ​ຕ້ານ ​ການ​ສໍ້​ລາດ ​ບັງ​ຫລວງ ​ແມ່ນ​ເພື່ອ​ຮັບປະ​ກັນ ຄວາມ​ປົ່ງ​​ໃສ ​​ໃຫ້​ໄປ​ຄຽງ​ຄູ່​ກັບ ການ​ປະພຶດ​ຕ່າງໆ ​ແນ​ໃສ່​ຍົກ​ສູງ​ ຄວາມ​ຮັບ​ຮູ້ ​ດ້ານ​ສັງຄົມ.

ແຫລ່ງຂ່າວ: