ເພື່ອເປັນການຍ້ອງຍໍບັນດາກົມກອງ, ບຸກຄົນທີ່ມີຜົນ ງານ, ຄຸນງາມຄວາມດີໃນການປະກອບສ່ວນທາງດ້ານ ເຫື່ອແຮງ ແລະ ສະຕິປັນຍາ ໃນການຊີ້ນຳ, ນຳພາເຂົ້າໃນ ການຂຸດຄົ້ນ, ເຄື່ອນຍ້າຍອັດ ຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍ ຊີວິດຢູ່ ສປປ ລາວ ໃນປາງສົງ ຄາມກັບຄືນປະເທດໄດ້ຕາມ ແຜນການ ແລະ ສຳເລັດໄປ ດ້ວຍດີ ທັງເປັນການເສີມສ້າງ ສາຍພົວພັນມິດຕະພາບ, ຄວາມສາມັກຄີພິເສດ, ການ ຮ່ວມມືຮອບດ້ານລະຫວ່າງ ສອງພັກ-ສອງລັດ ແລະ ປະ ຊາຊົນສອງຊາດ ລາວ-ຫວຽດ ນາມ ໃຫ້ກ້າວເຂົ້າສູ່ລວງເລິກ.
ໃນວັນທີ 23 ກັນຍາ 2013 ນີ້ທີ່ເຮືອນຮັບແຂກຟາງູດາວ ກະຊວງປ້ອງກັນປະເທດ ສສຫວຽດນາມໄດ້ຈັດພິທີປະດັບຫຼຽນໄຊ,ຫຼຽນກາ ແລະ ມອບໃບຍ້ອງຍໍດັ່ງກ່າວໄດ້ ຈັດຂຶ້ນ, ເປັນກຽດເຂົ້າຮ່ວມໃນພິທີດັ່ງກ່າວມີສະຫາຍພົນ ຕີ ຈັນສະໝອນ ຈັນຍາລາດ, ກຳມະການສູນກາງພັກ,ລັດ ຖະມົນຕີຊ່ວຍວ່າການກະ ຊວງປ້ອງກັນປະເທດຫົວຫນ້າ ຄະນະປະຕິບັດງານພິເສດ ແຫ່ງ ສປປ ລາວ, ສະຫາຍພົນໂທຫງຽນແທງກຸງ, ກຳມະ ການສູນກາງພັກ,ລັດຖະມົນ ຕີຊ່ວຍວ່າການກະຊວງປ້ອງ ກັນປະເທດ, ຫົວຫນ້າຄະນະປະຕິບັດງານພິເສດແຫ່ງ ສສ ຫວຽດນາມ, ມີບັນດາສະ ຫາຍຈາກກະຊວງກົມກອງ, ພະແນກການທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໃນພິທີສະຫາຍພັນເອກ ພູທ່ຽງ ກິ່ງແກ້ວ ຮອງຫົວຫນ້າ ກົມພົວພັນຕ່າງປະເທດ, ກະ ຊວງປ້ອງກັນປະເທດ ສປປ ລາວ ໄດ້ຂຶ້ນອ່ານລັດຖະດຳ ລັດຂອງປະທານປະເທດແຫ່ງ ສປປ ລາວ ວ່າດ້ວຍການປະ ດັບຫລຽນໄຊມິດຕະພາບໃຫ້ ຄະນະປະຕິບັດງານພິເສດ ສສ ຫວຽດນາມ, ດຳລັດຂອງ ນາຍົກລັດຖະມົນຕີ ແຫ່ງ ສປປ ລາວ ວ່າດ້ວຍການປະ ດັບຫລຽນກາມິດຕະພາບ ແລະ ໃບຍ້ອງຍໍ ແລະ ຂໍ້ຕົກ ລົງຂອງລັດຖະມົນຕີວ່າການ ກະຊວງປ້ອງກັນປະເທດວ່າ ດ້ວຍການມອບໃບຍ້ອງຍໍໃຫ້ ບັນດາກົມກອງ, ບຸກຄົນທີ່ມີຜົນງານດີເດັ່ນໃນການປະກອບສ່ວນເຂົ້າໃນການເສີມສ້າງສາຍພົວພັນຄວາມສາມັກຄີລະຫວ່າງສອງປະ ເທດ ລາວ-ຫວຽດນາມ ໃນ ນັ້ນໄດ້ມອບຫລຽນໄຊມິດຕະ ພາບໃຫ້ 19 ກົມກອງ ບຸກຄົນ 29 ສະຫາຍ, ມອບຫລຽນກາ ມິດຕະພາບໃຫ້ 43 ສະຫາຍ ມອບໃບຍ້ອງຍໍລັດຖະບານໃຫ້ 29 ກົມກອງ ແລະ 35 ສະ ຫາຍ, ໃບຍ້ອງຍໍກະຊວງປ້ອງ ກັນປະເທດ ສປປ ລາວ ໃຫ້ 15 ກົມກອງ ແລະ 4 ສະຫາຍ ຕາງຫນ້າລັດຖະບານແຫ່ງ ສປປ ລາວ ຂຶ້ນປະດັບໂດຍ ສະຫາຍພົນຕີ ຈັນສະໝອນ ຈັນຍາລາດ ກຳມະການສູນ ກາງພັກ, ລັດຖະມົນຕີຊ່ວຍ ວ່າການກະຊວງປ້ອງກັນປະ ເທດ, ຫົວຫນ້າຄະນະປະຕິ ບັດງານພິເສດແຫ່ງ ສປປ ລາວ.
![wed25sep5](https://laopost.com/wp-content/uploads/2013/09/wed25sep5.png)