ຟັງຊັ່ນໃໝ່ຂອງຜູ້ທີ່ໄດ້ອັບເດດລະບົບປະຕິບັດການ iOS ສູ່ເວີລ໌ຊັ່ນຫລ້າສຸດຢ່າງ iOS9 ໂດຍຟັງຊັ່ນທີ່ມາພ້ອມຫລັງອັບເດດ ນັ້ນຄື Siri Suggestions ຊຶ່ງເປັນລະບົບເດົາໃຈຜູ້ໃຊ້ຫລື ລະບົບແນະນຳຂອງ Siri ທີ່ຮຽນຮູ້ພຶດຕິກຳການໃຊ້ງານຈາກຜູ້ໃຊ້ ເຊັ່ນ ການໂທລະສັບ ການຫາຂໍ້ມູນ ໂດຍ Siri Suggestions ຈະຂຶ້ນສິ່ງຕ່າງໆເດົາໃຈເຈົ້າວ່າ ເຈົ້າເຂົ້າແອບໃດຕະຫລອດ ໂທຫາໃຜຕະຫລອດ ຂໍ້ມູນສະຖານທີ່ທ່ອງທ່ຽວ ຂ່າວ ແລະອື່ນໆເປັນຕົ້ນ ໂດຍຈະສະແດງຜ່ານທາງ Spotlight Search (ລະບົບການຄົ້ນຫາເທິງ iOS9 )
ເຖິງວ່າ Siri Suggestions ຈະອຳນວຍຄວາມສະດວກໃນການເຂົ້າເຖິງແອບທີ່ເຈົ້າໃຊ້ເປັນປະຈຳໄວຂຶ້ນ ແຕ່ເຊື່ອວ່າມີຂໍ້ມູນບາງສິ່ງບາງຢ່າງທີ່ເຈົ້າບໍ່ຢາກໃຫ້ Siri Suggestions ມາແນະນຳປາກົດເທິງຈໍ ເຊັ່ນລາຍຊື່ໝູ່ຕ່າງໆ ເປັນຕົ້ນ ເຈົ້າກໍສາມາດປິດ ບາງສ່ວນ ຫລືປິດທັງໝົດເລີຍກໍໄດ້ໂດຍວິທີຕັ້ງຄ່າງ່າຍໆດັ່ງນີ້
ຈັບອຸປະກອນ iOS ທີ່ອັບເດດສູ່ iOS9 ແລ້ວ ໃຫ້ເຂົ້າໄປທີ່ Settings >> ເລືອກ General >> ເລືອກ Spotlight Search ຈາກນັ້ນເລືອກປິດບາງສ່ວນທີ່ບໍ່ຢາກໃຫ້ Siri Suggestions ສະແດງ ເຊັ່ນ ລາຍຊື່ໂທລະສັບ ກໍປິດທີ່ contacts ເປັນຕົ້ນ
ແຕ່ຖ້າ Siri Suggestion ສ້າງຄວາມເບື່ອໜ່າຍໃຫ້ກັບເຈົ້າ ຫລືບໍ່ຄຸ້ນເຄີຍ ຢາກຈະປິດຟັງຊັ່ນນີ້ຊົ່ວຄາວ ສາມາດປິດໄດ້ທີ່ Siri Suggestions ເປັນ off ໄດ້ເລີຍ ເທົ່ານີ້ກໍຈະບໍ່ມີລາຍການແນະນຳກວນໃຈແລ້ວ