ລົດຂົນນ້ຳມັນຕົກທາງໃນປະເທດຊູດານໃຕ້ ເຮັດໃຫ້ຊາວບ້ານແຫ່ເຂົ້າມາຕັກເອົານ້ຳມັນ ກ່ອນເກີດລະເບີດຈົນມີຜູ້ເສຍຊີວິດຫລາຍກວ່າ 170 ລາຍ…
ສຳນັກຂ່າວຕ່າງປະເທດລາຍງານວ່າ ເກີດເຫດລົດຂົນນ້ຳມັນຕົກທາງສາຍໜຶ່ງທີ່ເມືອງມາລິດີ ໃນເມືອງເວດເທິນ ອີຄວໍໂທເຣຍ ເຮັດໃຫ້ຜູ້ຢູ່ອາໄສທ້ອງຖິ່ນຈຳນວນຫລາຍແຫ່ເຂົ້າມາຕັກເອົານ້ຳມັນອອກຈາກຖັງບັນຈຸ ກ່ອນທີ່ລົດຄັນດັ່ງກ່າວຈະລະເບີດ ເປັນເຫດໃຫ້ມີຜູ້ເສຍຊີວິດຫລາຍເຖິງ 170 ຄົນ ແລະມີຜູ້ໄດ້ຮັບບາດເຈັບກວ່າ 50 ລາຍ
ທ້າວວິນສັນ ໂທມັດ ຍັນກາ ຜູ້ຈັດການເທດສະບານ ມາລາດີ ເຜີຍວ່າ ລົດຂົນນ້ຳມັນຄັນນີ້ເດີນທາງມາຈາກນະຄອນຫລວງຈູບາ ແລະກຳລັງຈະເດີນທາງເຖິງເມືອງມາລິດີ ຊຶ່ງຫ່າງອອກໄປປະມານ 250 ກມ. ກ່ອນຈະເສຍຫລັກຕົກທາງແລະພິກປີ້ນ ໂດຍໃນຂະນະທີ່ຄົນຂັບລົດເດີນທາງໄປຍັງເມືອງທີ່ໃກ້ທີ່ສຸດເພື່ອຂໍຄວາມຊ່ວຍເຫລືອ ຊາວບ້ານທ້ອງຖິ່ນກໍພະຍາຍາມເຂົ້າມາຕັກເອົານ້ຳມັນອອກຈາກລົດ ກ່ອນເກີດລະເບີດ ຊຶ່ງຂະນະນີ້ຍັງບໍ່ຮູ້ສາເຫດ
ທ້າວຍັນກາຢືນຢັນດ້ວຍວ່າ ຈຳນວນຜູ້ເສຍຊີວິດເພີ່ມຂຶ້ນເປັນກວ່າ 176 ຄົນແລ້ວ ແລະຕົວເລກທີ່ແທ້ຈິງອາດສູງກວ່ານີ້ຫລາຍ
ຂະນະດຽວກັນ ໂຮງໝໍທ້ອງຖິ່ນຕ້ອງຮັບມືກັບຜູ້ອົບພະຍົບທີ່ຖືກສົ່ງເຂົ້າມາເປັນຈຳນວນຫລາຍ ນອກຈາກນີ້ຖັງອອກຊິເຈນແລະຢາແກ້ປວດມີບໍ່ພຽງພໍ ຊຶ່ງເຈົ້າຫນ້າທີ່ໄດ້ຮ້ອງຂໍຄວາມຊ່ວຍເຫລືອໄປຍັງໜ່ວຍງານສະຫະປະຊາຊາດແລ້ວເພື່ອເລັ່ງຂໍຄວາມຊ່ວຍເຫລືອຜູ້ທີ່ໄດ້ຮັບບາດເຈັບໂດຍໄວ