ເກີດເລື່ອງໜ້າເສົ້າໃນກອງຖ່າຍ “Mena” ຮູບເງົາເລື່ອງໃໝ່ທີ່ ທອມ ຄຣູຊ ດາລາລະດັບໂລກຮ່ວມສະແດງ ຫລັງຈາກທີ່ ຮໍລີວູດສື່ບັນເທີງຊື່ດັງລາຍງານວ່າ ເກີດອຸບັດເຫດທີ່ເຮືອບິນຊຶ່ງໃຊ້ໃນການຖ່າຍທຳເກີດຕົກ ແລະເຮັດໃຫ້ມີຄົນເສຍຊີວິດ ແຕ່ ຄຣູຊ ບໍ່ໄດ້ຮັບບາດເຈັບຫຍັງເພາະບໍ່ໄດ້ຢູ່ໃນເຄື່ອງຕອນທີ່ເກີດເຫດ
ເຫດການນີ້ເກີດຂຶ້ນໃນປະເທດໂຄລອມເບຍ ເມື່ອວັນທີ 11 ກັນຍາ ທີ່ຜ່ານມາ ໂດຍເຮືອບິນເປັນຂອງບໍລິສັດ Aerostar ຊຶ່ງມັນຂຶ້ນບິນຈາກເມືອງນ້ອຍໆ ໃກ້ກັບເມືອງເມເດຍິນ ທັງທີ່ໃນຕອນນັ້ນສະພາບອາກາດບໍ່ດີສຸດໆ
“ທອມ ຄູຊ ສະບາຍດີ ເຮືອບິນທີ່ໃຊ້ໃນການຖ່າຍທຳມັນຕົກລົງມາ ແລະໜ້າເສົ້າທີ່ມີຄົນເສຍຊີວິດ ມັນເກີດຂຶ້ນຫລັງຈາກທີ່ ທອມ ຖ່າຍທຳສາກຂອງລາວສຳເລັດໄປຮຽບຮ້ອຍແລ້ວ ຕອນນັ້ນລາວບໍ່ໄດ້ຢູ່ໃນເຮືອບິນ” ແຫລ່ງຂ່າວລະບຸ
ທັງນີ້ ຫນ່ວຍງານທີ່ກ່ຽວຂ້ອງກັບການບິນໄດ້ລະບຸຊື່ຂອງທັງ 3 ຄົົນທີ່ຢູ່ເທິງເຮືອບິນຕອນທີ່ເກີດເຫດປະກອບດ້ວຍ ອະລັນ ເດວິດ ພູລວິນ ຊຶ່ງເປັນຄົນຂັບກັບນັກສະແດງ, ຈິມມີ ລີ ກາຣແລນ ອີກໜຶ່ງຄົນຂັບ ແລະ ກາຣລອດ ເບີດ ທີ່ເປັນຄົນພື້ນເມືອງ ແຕ່ບໍ່ມີການລະບຸວ່າໃຜທີ່ເປັນຄົນເສຍຊີວິດ
