ຫລັງ​ຈາກ​ເຝົ້າ​ຖ້າ​ມາ​ດົນ​ຈົນ​ເກືອບ​ຈະ​ຂຶ້ນ​ຄອນ​ເສີດ​ບໍ່ໄດ້ ລ່າ​ສຸດ ຄຣິສ ບລາວ ນັກ​ຮ້ອງ​ໜຸ່ມ​ຄົນ​ດັງ​ກໍ່​ໄດ້ຮັບ​ຂ່າວ​ດີ ເມື່ອ​ລ່າ​ສຸດ ສື່​ບັນ​ເທີງ​ຍອດ​ຮິ​ດລາຍ​ງານ​ວ່າ ສານ​ຕັດ​ສິນ​ໃຫ້​ ບລາວ ​ໄດ້​ສິດ​ລ້ຽງດູ ຣໍ​ຍັນ​ຕີ ລູກ​ສາວ​ແສນ​ເປັນ​ທີ່​ຮຽບຮ້ອຍ​ແລ້ວ

ຢ່າງໃດ​ກໍ່​ຕາມ ບລາວ ​ກໍ່​ເຮັດໃຫ້​ຫລາຍ​ຄົນ​ປະ​ທັບ​ໃຈ ເມື່ອ​ສະແດງ​ຄວາມ​ຮັບ​ຜິດຊອບ​ລ້ຽງດູ​ເດັກ​ຄົນ​ນັ້ນ ຊຶ່ງ​ລາວກໍ່​ເບິ່ງ​ຈະ​ຮັກ​ສາວຄົນ​ນີ້​ຫລາຍ​ໆ ຈົນ​ເຖິງ​ຂະໜາດ​ພາ​ໄປ​ໃສ​ມາ​ໃສ​ນຳກັນ​ຢູ່​ເລື້ອຍໆ ຢ່າງ​ເຊັ່ນ ໄປ​ທ່ຽວ​ສວນ​ສະ​ໜຸກ ເປັນ​ຕົ້ນ
ເຖິງ​ແບບ​ນັ້ນ ຄວາມ​ສຳພັນ​ຂອ​ງ ບ​ລາວ ​ກັບ​ເນຍ ​ກັບ​ກົງ​ກັນ​ຂ້າມ ເພາະ​ແຕ່ກ່ອນລາວ​ເອງ​ກໍ່​ບໍ່​ໄດ້​ຮັກ​ນາງ​ຫລວງຫລາຍ​ຫຍັງ​ ແລະ​ຕ້ອງ​ການ​ສິດ​ລ້ຽງດູ​ລູກ ຊຶ່ງ​ປະ​ເດັນ​ນີ້​ເຮັດໃຫ້​ເກີດ​ສົງຄາມ​ນ້ຳ​ລາຍ​ລະຫວ່າງ​ທັງ 2 ຝ່າຍ ຈົນ​ຕ້ອງ​ມາ​ຕັດ​ສິນ​ກັນ​ໃນ​ຂັ້ນ​ສານ
ທ້າຍ​ທີ່ສຸດ ເມື່ອ​ວັນ​ທີ 11 ກັນຍາ ທີ່​ຜ່ານມາ ສານ​ກໍ່​ຕັດ​ສິນ​ໃຫ້ ​ບລາວ ​ໄດ້​ສິດ​ລ້ຽງດູ​ລູກ​ຮ່ວມ​ກັບ​ເນຍ ໂດຍ​ຈະ​ຕ້ອງ​ຜັດ​ປ່ຽນກັນ​ເບິ່ງແຍງ​ລູກທຸກ​ໆ 4 ມື້ ສ່ວນ​ຄ່າ​ລ້ຽງດູ​ເດັກ​ທີ່​ຝ່າຍ​ຍິງ​ຈະ​ໄດ້ຮັບ​ຈາ​ກ ບ​ລາວ​ນັ້ນ ຈະ​ຢູ່​ທີ່ 2,500 ໂດລາຕໍ່​ເດືອນ (ປະ​ມານ ສອງຮ້ອຍລ້ານກີບ) ຊຶ່ງ​ໜ້ອຍ​ກວ່າ​ທີ່​ນາງ​ຕ້ອງ​ການ​ຫລາຍ ເພາະ​ນາງ​ຢາກ​ໄດ້ 15,000 ໂດລາຕໍ່​ເດືອນ (ປະ​ມານໜື່ງພັນສອງຮ້ອຍລ້ານກີບ)