ເຈົ້າໜ້າທີ່ ປກສ ເມືອງປາກງື່ມ ນະຄອນຫລວງວຽງຈັນ ໃຫ້ຮູ້ວ່າ: ເວລາປະມານ 17:00 ໂມງຂອງວັນທີ 13 ກັນຍາຜ່ານມານີ້, ໄດ້ເກີດເຫດການຍິງກັນຢູ່ບ້ານທ່າເດື່ອສິງຫອມ ປາກງື່ມ ເຮັດໃຫ້ມີຜູ້ເສຍຊີວິດ 2 ຄົນຄື: ນາງ ຈັນສະໜອນ ອາຍຸ 30 ປີ ຢູ່ບ້ານໝາກນາວໃຕ້ ຖືກຍິງບໍລິເວນເອິກ ແລະ ທ້າວ ທິນນະກອນ (ໃຫຍ່)ອາຍຸ 40 ປີ ຢູ່ບ້ານດອນວັງໂພ ເມືອງປາກງື່ມ ຖືກຍິງບໍລິເວນຫົວເສຍຊິວິດຢູ່ໃນລົດເກງສີປອນ, ໝາຍເລກທະບຽນ ກສ 3477 ກໍາແພງນະຄອນ ແລະ ພົບເຫັນປືນສັ້ນໜຶ່ງກະບອກເຮ່ຍຢູ່ຂ້າງຜູ້ເສຍຊີວິດທັງສອງ.
ເຈົ້າໜ້າທີ່ໃຫ້ຮູ້ວ່າ: ຜູ້ເສຍຊີວິດທັງສອງເຄີຍຢູ່ກິນນໍາກັນແບບຜົວ-ເມຍ, ແຕ່ບໍ່ທັນແຕ່ງງານ ແລະ ຜ່ານມາມັກຜິດຖຽງກັນປະຈໍາ ແລະ ໄດ້ແຍກກັນຢູ່, ເຊິ່ງໃນມື້ເກີດເຫດທ້າວ ທິນນະກອນ ໄດ້ຂັບລົດຈັກຕິດຕາມນາງ ຈັນສະໝອນ ມາແຕ່ບ້ານໝາວນາວໃຕ້ພໍມາຮອດຈຸດເກີດເຫດຈຶ່ງໄດ້ໃຊ້ປຶນທີ່ກຽມມາຍິງນາງ ຈັນສະໝອນ ຈົນເສຍຊີວິດ ແລ້ວທ້າວ ທິນນະກອນ ກໍເຂົ້າໄປໃນລົດແລ້ວໃຊ້ປືນຍິງຕົວເອງຕາຍຕາມ.
ແຫລ່ງຂ່າວ:
