ທ້າວຈ່ອຍ ອາຍຸ 35 ປີຢູ່ບ້ານສີ່ ເມືອງນາຊາຍທອງ ນະຄອນຫລວງວຽງຈັນ ຖືກເຈົ້າໜ້າທີ່ ປກສ ເມືອງຫີນເຫີບ ແຂວງວຽງຈັນ ຈັບຕົວມາດໍາເນີນຄະດີເມື່ອດົນມານີ້, ພາຍຫລັງຜູ້ກ່ຽວມີພຶດຕິກໍາພະຍາຍາມຂົ່ມຂືນເດັກຍິງອາຍຸ 7 ປີຢູ່ບ້ານນາພົງ ເມືອງຫີນເຫີບ. ເຊິ່ງຄະດີມີຢູ່ວ່າ: ເມື່ອທ້າຍເດືອນມິຖຸນາ 2015 ຜູ້ກ່ຽວໄດ້ມາເຮັດວຽກຢູ່ບ້ານນາພົງ ເມືອງຫີນເຫີບ ແລະ ໄດ້ມາພັກເຊົາຢູ່ເຮືອນຂອງທ້າວ ພອນ ເຊິ່ງເປັນຄົນເຮັດວຽກນໍາກັນ ແລະ ເປັນພໍ່ຂອງເດັກຍິງຜູ້ເສຍຫາຍ, ມາຮອດວັນທີ 6 ສິງຫາ 2015 ເດັກຍິງຜູ້ນັ້ນພ້ອມໝູ່ໃນໄວດຽວກັນອີກ 6 ຄົນ, ໄດ້ມາເບິ່ງໂທລະພາບຢູ່ເຮືອນທີ່ທ້າວ ຈ່ອຍ ພັກເຊົາແລ້ວທ້າວ ຈ່ອຍ ໄດ້ພາເດັກຍິງຜູ້ເສຍຫາຍໄປຫາໜໍ່ໄມ້ຈົນຮອດຄ້າຍຄໍ່າຈຶ່ງພາກັນກັບບ້ານ. ໃນຂະນະນັ້ນ ທ້າວ ຈ່ອຍ ໄດ້ພະຍາຍາມລົງມືກະທຳຊຳເລົາແຕ່ບໍ່ສຳເລັດຍ້ອນເດັກຍິງຢ້ານກົວ ແລະ ຮ້ອງໄຫ້ແລ່ນໜີມາເຮືອນແລ້ວບອກເລື່ອງລາວທີ່ເກີດຂຶ້ນໃຫ້ພໍ່ແມ່ຟັງ ແລະ ເຊົ້າມື້ຕໍ່ມາພໍ່ຂອງເດັກຍິງຜູ້ເສຍຫາຍໄດ້ເຂົ້າແຈ້ງຄວາມຕໍ່ເຈົ້າໜ້າທີ່ເພື່ອຈັບຕົວທ້າວ ຈ່ອຍ ມາດຳເນີນຄະດີຕາມລະບຽບກົດໝາຍ.
ແຫລ່ງຂ່າວ:
