ດາວ​ໂຫລດ Adblock Browser ແອັບ ເວັບ​ບ​ຣາວ​ເຊີລ໌ ສຳລັບ​ນັກ​ທ່ອງ​ເວັບ ທີ່​ເບື່ອ​ໂຄສະນາ​ທັງ Android ແລະ iOS 
ເມື່ອ​ວັນທີ່ 8 ກັນຍາ ຜູ້​ພັດທະນາ​ໂປຣ​ແກ​ຣມ​ລັອກ​ໂຄສະ​ນາ​ຢ່າງ Adblock Plus ເປີດ​ຕົວ​ແອັບ ເວັບ​ບຣາວ​ເຊີລ໌  Adblock Browser ໃຫ້​ກັບ​ຜູ້​ໃຊ້​ງານ iOS ຢ່າງ​ເປັນ​ທາງ​ການ​ອີກ​ເທື່ອ ຫລັງ​ປ່ອຍ​ໃຫ້​ຜູ້​ໃຊ້​ງານ​ເທິງ​ອຸປະກອນ Android ທົດສອບ​ການ​ໃຊ້​ງານ​ມາ​ແລ້ວ​ກ່ອນ​ໜ້າ​ນີ້ ໂດຍ​​ຜູ້​ພັດທະນາ​ຍັງ​ຄົງ​ໃຫ້ເຫັນຈຸດ​ເດັ່ນ​ເລື່ອງ​ຂອງ​ຄວາມ​ໄວ ແລະ​ກາ​ນ​ລັອກ​ໂຄສະ​ນາ​ກວນ​ໃຈ​ຕ່າງໆ ເພື່ອ​ຕອບສະຫນອງ​ຄວາມ​ຕ້ອງ​ການ​ຂອງ​ຜູ້​ໃຊ້​ງານ​ຢ່າງ​ເຕັມ​ປະ​ສິດ​ທິ​ພາບ
Adblock Browser ແອັບ ເວັບ​ບ​ຣາວ​ເຊີລ໌​ທີ່​ຈະ​ຊ່ວຍ​ໃຫ້​ເຈົ້າ​ທ່ອງ​ເວັບ​ໄຊຕ໌​ຕ່າງ ໆ ທົ່ວ​ໂລກ​ໄດ້​ຢ່າງ​ວ່ອງໄວ ແລະ​ປອດ​ໄພ​ຈາກ Malware ທີ່​ເຊື່ອງ​ຢູ່ ແຖມ​ບໍ່​ມີ​ໂຄສະ​ນາ​ກວນ​ໃຈ​ໃຫ້​ເບື່ອ​ອີກ​ດ້ວຍ ເຖິງວ່າ​ເຈົ້າ​ຈະ​ເປີດ Youtube ກໍ​ຕາມ ບໍ່​ພຽງ​ເທົ່າ​ນີ້ ແອັບ  Adblock Browser ຍັງ​ສາມາດ​ຫລຸດການ​ເຮັດວຽກ ຫລື​ໂຫລດ​ຂໍ້​ມູນ​ຈາກ​ການ​ໃຊ້​ອິນ​ເຕີ​ເນັດ​ຫລຸດລົງ​ເຖິງ 50% ອີກ​ດ້ວຍ ແລະ​ຊ່ວຍ​ປະ​ຫຍັດ​ແບດ​ເຕີ​ລີ່​ໄດ້​ອີກ 20%  ເອີ້ນໄດ້​ວ່າ​ຄອບ​ຄຸມ​ທຸກ​ຟັງ​ຊັ່ນ​ເລີຍ​ແທ້ ໆ ສຳລັບ​ນັກ​ທ່ອງ​ເວັບ ທັງ​ຫລາຍ​ທີ່​ໃຊ້​ງານ​ເທິງ​ອຸປະກອນ​ດັ່ງ​ກ່າວ​ບໍ່​ຄວນ​ພາດ