ສຳນັກຂ່າວຕ່າງປະເທດ ລາຍງານໃນວັນທີ 9 ກັນຍານີ້ວ່າ ວິກິດການຜູ້ອົບພະຍົບລີ້ໄພຈາກຊີຣີຫລັ່ງໄຫລເຂົ້າສູ່ເອີຣົບ ກຳລັງເປັນບັນຫາລະດັບພາກພື້ນ ໃນຂະນະທີ່ບັນດາຊາດສະມາຊິກສະຫະພາບເອີຣົບ ກຳລັງເລັ່ງຫາລືກັນເພື່ອແກ້ໄຂບັນຫາດັ່ງກ່າວຢ່າງຕໍ່ເນື່ອງ ນັບຕັ້ງແຕ່ເມື່ອອາທິດທີ່ຜ່ານມາ, ຫລ້າສຸດປະທານຄະນະກຳມະການສະຫະພາບເອີຣົບ ເພື່ອວາງແຜນຊ່ວຍເຫລືອຜູ້ອົບພະຍົບຈຳນວນດັ່ງກ່າວນີ້ ໄດ້ຮຽກຮ້ອງໃຫ້ບັນດາຊາດສະມາຊິກ ຊ່ວຍກັນແບ່ງເບົາພາລະ ຮັບດູແລຜູ້ອົບພະຍົບເພີ່ມຂຶ້ນໃນອັດຕາສ່ວນທີ່ເທົ່າທຽມກັນ ພ້ອມທັງຮຽກຮ້ອງໃຫ້ປະເທດອື່ນໆໃນທົ່ວໂລກ ສາມາດສະເໜີຄວາມຊ່ວຍເຫລືອຮ່ວມກັນໄດ້ ເພື່ອແກ້ໄຂວິກິດການດັ່ງກ່າວ.