ທ່ານ ນາງ ເຊນນີ ມາບັນ ປະທານຄະນະກຳມະການພາຣາແລມປິກເກມແຫ່ງຊາດ ອິນໂດເນເຊຍ ອອກຖະແຫຼງ ການຢ່າງເປັນທາງການ ທີ່ນະຄອນຫຼວງຈາກາຕາ ເມື່ອວັນທີ 4 ກັນຍາ ຜ່ານມາວ່າ ອິນໂດເນເຊຍ ຈະສົ່ງນັກກິລາຈຳນວນ ທັງໝົດ 190 ຄົນ ເຂົ້າຮ່ວມການແຂ່ງຂັນກິລາຄົນພິການໃນຂົງເຂດເອເຊຍຕາເວັນອອກສຽງໃຕ້ ຫຼື ອາຊຽນ ພາຣາເກມ ຄັ້ງທີ 8 ທີ່ປະເທດສິງກະໂປ ເປັນເຈົ້າພາບລະຫວ່າງວັນທີ 3-9 ທັນວາ 2015 ໂດຍຕັ້ງເປົ້າໝາຍວ່າ ຈະຮັກສາຕໍາແໜ່ງເຈົ້າຫຼຽນຄໍາ ແລະ ຕ້ອງສ້າງສະຖິຕິໃຫ້ໄດ້ເຖິງ 103 ຫຼຽນຄໍາເປັນຢ່າງໜ້ອຍ.
ທັງນີ້, ເມື່ອ 2 ປີກ່ອນ ໃນອາຊຽນ ພາຣາເກມ ຄັ້ງທີ 7 ທີ່ນະຄອນຫຼວງເນປິດໍ ປະເທດມຽນມາ ອິນໂດເນເຊຍ ຄວ້າໄປໄດ້ທັງໝົດ 99 ຫຼຽນ ຄໍາ, 69 ຫຼຽນເງິນ ແລະ 49 ຫຼຽນທອງ ຢູ່ອັນດັບ 1 ໃນຕາ ຕະລາງສະຫຼຸບຫຼຽນລາງວັນ.
ສຳລັບ ກິລາ ອາຊຽນ ພາຣາເກມ ຄັ້ງທີ 8 ໃນທ້າຍປີ 2015 ທີ່ປະເທດສິງກະໂປ ມີການແຂ່ງຂັນກັນທັງໝົດ 15 ປະ ເພດກິລາ ຂະນະທີ່ ອິນໂດເນເຊຍ ສົ່ງນັກກິລາເຂົ້າຊີງໄຊ 12 ປະເພດ ຄື: ແລ່ນ-ລານ, ດອກ ປີກໄກ່, ປິ່ງປ່ອງ, ຍົກນ້ຳໜັກ, ໝາກເສິກ, ຍິງທະນູ, ເຕະບານ 7 ຄົນ, ໂບລິງ, ໂກລບອລ, ລອຍນ້ຳ, ຍິງປືນ ແລະ ວີລແຊ ເທັນນິສ ໃນນັ້ນ ມີເປົ້າໝາຍ ຫຼຽນຄຳຢູ່ 5 ປະເພດກິລາ ຄື: ແລ່ນ-ລານ, ດອກປີກໄກ່, ປິ່ງ ປ່ອງ, ລອຍນ້ຳ ແລະ ໝາກ ເສິກ.
