spot_img
Homeຂ່າວພາຍ​ໃນປະທານອົງການກອຍກາ ມອບເງິນຊ່ວຍເຫຼືອໂຮງໝໍເດັກ

ປະທານອົງການກອຍກາ ມອບເງິນຊ່ວຍເຫຼືອໂຮງໝໍເດັກ

Published on

ປະທານອົງການກອຍກາ ມອບເງິນຊ່ວຍເຫຼືອໂຮງໝໍເດັກ

ວັນ​ທີ 12 ກັນຍາ 2013 ທີ່​ໂຮງແຮມ​ລາວ​ພລາ​ຊາ ທ່ານ ​ສຈ.​ດຣ. ເອກ​ສະຫວ່າງ ວົງ​ວິດ​ຈິດ ລັດຖະມົນຕີ​ວ່າການ​ກະຊວງ​ສາທາລະນະ​ສຸກ ກໍ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ​ທ່ານ ກີມ​ຍອງ​ມົກ ປະທານ​ອົງການ​ກອຍ​ກາ (KOICA) ພ້ອມ​ຄະນະ ເນື່ອງ​ໃນ​ໂອກາດ​ຄະນະ​ສິລະ​ປິນ (KOICA) ມາ​ສະແດງ​ມິດຕະພາບ ລາວ-ເກົາຫຼີ ຢູ່​ນະຄອນຫຼວງ​ວຽງ​ຈັນ.

ໃນ​ໂອກາດ​ນີ້ ທ່ານ ກີມ​ຍອງ​ມົກ ປະທານ​ອົງການ​ກອຍ​ກາ (KOICA) ພ້ອມ​ດ້ວຍ​ຄະນະ​ສິລະ​ປິນ (KOICA) ແຫ່ງ ສ.ເກົາຫຼີ ຍັງ​ໄດ້​ລົງ​ຢ້ຽມຢາມ​ໂຮງໝໍ​ເດັກ ລາວ-ເກົາຫຼີ ໂດຍ​ໃຫ້ການ​ຕ້ອນຮັບ​ຂອງ​ທ່ານ ​ດຣ. ເນົາ ບຸດຕາ ຫົວໜ້າ​ຫ້ອງການ​ກະຊວງ​ສາທາລະນະ​ສຸກ ອຳນວຍ​ການ​ໂຮງໝໍ​ເດັກ ລາວ-ເກົາຫຼີ ຫົວໜ້າ​ກົມ​ປິ່ນປົວ ມີ​ບັນດາ​ຊ່ຽວຊານ-ແພດ​ໝໍ​ຂອງ​ໂຮງໝໍ​ເດັກ​ໃຫ້ການ​ຕ້ອນຮັບ.

ການ​ລົງ​ຢ້ຽມຢາມ​ຂອງ​ທ່ານ ກີມ​ຍອງ​ມົກ ປະທານ​ອົງການ​ກອຍ​ກາ (KOICA) ພ້ອມ​ດ້ວຍ​ຄະນະ​ສິລະ​ປິນ (KOICA) ແຫ່ງ ສ.ເກົາຫຼີ ຄັ້ງ​ນີ້ ແມ່ນ​ໄດ້​ຊົມ​ສິລະ​ປະ​ຟ້ອນ​ຈຳປາ​ເມືອງ​ລາວ ຢ້ຽມຢາມ​ຄົນ​ເຈັບ ເບິ່ງ​ຫ້ອງ​ອຸປະກອນ​ການ​ແພດ ນອກຈາກ​ນັ້ນ ທ່ານ ກີມ​ຍອງ​ມົກ ຍັງ​ໄດ້​ມີ​ການ​ມອບ​ເງິນ​ຈຳນວນ 500.000 ໂດ​ລາ​ສະຫະລັດ ຫຼື 3.927.729.772 ກີບ ເພື່ອ​ເປັນ​ການ​ຊ່ວຍ​ຍົກ​ລະດັບ​ຫ້ອງ​ສ່ອງ​ໄຟຟ້າ ຫ້ອງ​ຜ່າຕັດ ແລະ ເຄື່ອງມື​ອຸປະກອນ​ການ​ແພດ​ຄົບ​ຊຸດ ທັງ​ນີ້​ເພື່ອ​ເປັນ​ການ​ຍົກ​ລະດັບ​ໂຮງໝໍ​ເດັກ​ໃຫ້​ມີ​ຄຸນ​ນະ​ພາບ ທັງ​ຮັບ​ໃຊ້​ສັງຄົມ​ໃຫ້​ມີ​ປະສິດທິພາບ​ດີ​ຂຶ້ນ​ເລື້ອຍໆ ຈາກ​ນັ້ນ ອຳນວຍ​ການ​ໂຮງໝໍ ກໍ​ໄດ້​ສະແດງ​ຄວາມ​ຂອບໃຈ​ມາ​ຍັງ​ທ່ານ ກີມ​ຍອງ​ມົກ ພ້ອມ​ຄະນະ ທີ່​ໄດ້​ໃຫ້ການ​ຊ່ວຍເຫຼືອ​ໃນ​ຄັ້ງ​ນີ້ ແລະ ຫວັງ​ຢ່າງ​ຍິ່ງ​ວ່າ​ໃນ​ໂອກາດ​ໜ້າ ຈະ​ໄດ້​ໃຫ້ການ​ຊ່ວຍເຫຼືອ​ອີກ​ຕື່ມ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...