ສຳນັກຂ່າວຊ່ຽງໄຮ້ອິດຕ໌ລາຍງານວ່າ ຍິງສາວຊາວຈີນຄົນໜຶ່ງໃນມົນທົນກວາງຕຸ້ງທີ່ກຳລັງກິນເຂົ້າຢ່າງມີຄວາມສຸກ ແຕ່ເລີ່ມຮູ້ສຶກແປກໆວ່າເປັນຫຍັງເຂົ້າທີ່ນາງກິນນັ້ນຂ້ອນຂ້າງແຂງ ແລະ ຫຍໍ້າຍາກ ເມື່ອຄາຍອອກມາເຖິງກັບຕະລຶງເມື່ອພົບວ່າສິ່ງທີ່ນາງຫຍ້ຳຢູ່ບໍ່ແມ່ນເຂົ້າ ແຕ່ເປັນເຈ້ຍແຜ່ນນ້ອຍທີ່ມ້ວນໄວ້ໃຫ້ມີລັກສະນະຄ້າຍກັບເມັດເຂົ້າ!!
ຈາກລາຍງານຂອງສຳນັກຂ່າວແອບເປີນ ເດລີ່ລະບຸວ່າ ນາງຊື້ເຂົ້າປອມນີ້ມາຈາກພໍ່ຄ້າທີ່ຂາຍຢູ່ຕາມແຄມທາງຄົນໜຶ່ງ ຊຶ່ງອ້າງວ່າເຂົ້າຊະນິດນີ້ປູກໃນພື້ນທີ່ຊົນນະບົດແບບປອດສານພິດ
ທັງນີ້ ເມື່ອປີກ່ອນມີຂ່າວໃນລັກສະນະດຽວກັນກ່ຽວກັບການເຮັດເຂົ້າປອມຈາກພາດສ໌ຕິກຈຳໜ່າຍຢ່າງແພ່ຫລາຍໃນຕະຫລາດປະເທດຈີນແລະແຖບເອເຊຍ