ໃນການແຂ່ງຂັນບານເຕະລຸ້ນບໍ່ເກີນອາຍຸ 19 ປີ ຫຼື U-19 ທີ່ລາວເຮົາໄດ້ຮັບກຽດເປັນເຈົ້າພາບລະຫວ່າງວັນທີ 22 ສິງຫາ – ວັນທີ 4 ກັນຍາ 2015 ນີ້, ນັດຊິງຊະນະເລີດ  AFF U-19 Championship 2015 ຫຼື  ບານເຕະ ຊິງແຊ້ມອາຊຽນຮຸ້ນອາຍຸບໍ່ເກີນ 19 ປີ ໃນມື້ນີ້ທີມຊາດໄທລົງສະໜາມພົບກັບທີມຊາດຫວຽດນາມ ເຊີ່ງຈະລົງແຂ່ງຂັນໃນເວລາ 19:00 ໂມງ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16, ທ່າມກາງສຽງເຊຍຂອງແຟນບານຊາວຫວຽດນາມທີ່ດັງໃນສະໜາມການແຂ່ງຂັນ, ໃນເຄີ່ງເວລາທຳອິດແຂ່ງັຂນກັນໄປແບບດຸເດືອດແຕ່ກອນຈະໝົດເວລາໃນນາທີທີ່ 44 ກໍ່ເກີດມີປະຕູຂື້ນຈາກລູກຍິງຂອງ ວໍລະຊິດ ເຮັດໃຫ້ ທີມຊາດໄທຂື້ນນຳກ່ອນ 1-0 ປະຕູ

ພໍມາຮອດເຄີ່ງເວລາທີ 2 ເລີ່ມເກມມາຮອດນາທີ 56 ທີມຊາດໄທໄດ້ປະຕູເພີ່ມຈາກ ສຸກສັນ ຂື້ນນຳເປັນ 2-0 ປະຕູ, ຕໍ່ມາໃນນາທີທີ່ 68 ໄທມາໄດ້ປະຕູເພີ່ມອີກຈາກ ຣິດທິເດດ ເປັນ 3-0 ປະຕູທີ່ທີມຊາດໄທຂື້ນນຳທີມຊາດຫວຽດນາມໃນຕອນນີ້ ແລະ ເບີ່ງຄືວ່າຈະຈົບລົງເທົ່ານີ້ແຕ່ໃນນາທີ່ 83 ວໍລະຊິດຄົນເດີມມາຍິງປະຕູເພີ່ມເຮັດໃຫ້ຂື້ນນຳເປັນ 4-0​ ກ່ອນທີ່ຈະຈົບເກມທີມຊາດໄທກໍ່ຢ້ຳໄຊຊະນະໂດຍການຍິງໃນນາທີທີ່ 87 ຈາກອານົນ ແລະ ໃນນາທີທີ່ 90​ (ຊ່ວງທົດເວລາບາດເຈັບ) ອານນົນຄົນເກົ່າຍິງເພີ່ມ ເຮັດໃຫ້ທີມຊາດໄທຊະນະທີມຊາດຫວຽດນາມແບບຂາດລອຍ 6-0 ປະຕູ, ຄວ້າແຊ້ມບານເຕະຊິງແຊ້ມອາຊຽນຮຸ້ນບໍ່ເກີນອາຍຸ 19 ປີໄປຄອງ, ອັນດັັບທີ 2 ທີມຊາດຫວຽດນາມ, ອັນດັບທີ 3 ທີມຊາດລາວ, ອັນດັບທີ 4 ທີມຊາດມາເລເຊຍ