ໃນຕອນບ່າຍວັນ ທີ 10 ກັນຍາ 2013 ນີ້, ທີ່ ຫ້ອງວ່າການສູນກາງພັກ (ຫລັກ 6) ສະຫາຍ ບຸນຍັງ ວໍລະຈິດ, ກຳມະການກົມ ການເມືອງສູນກາງພັກ, ຜູ້ປະ ຈຳການ ຄະນະເລຂາທິການສູນກາງພັກ, ຮອງປະທານ ປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າ ຢ້ຽມຄຳນັບຂອງສະຫາຍ ມາຍ ເຖ ເຢືອງ, ກຳມະການ ສູນກາງພັກຮອງປະທານຄະ ນະກຳມະການກວດກາສູນ ກາງພັກກອມມູນິດຫວຽດ ນາມ ແລະ ຄະນະໃນໂອກາດ ໄດ້ເດີນທາງມາຢ້ຽມຢາມ ແລະ ເຮັດວຽກຮ່ວມກັບຄະ ນະກວດກາສູນກາງພັກ ປະ ຊາຊົນປະຕິວັດລາວ ແຕ່ວັນ ທີ 9-11 ກັນຍາ 2013.
ໃນໂອກາດນີ້, ສະຫາຍ ບຸນຍັງ ວໍລະຈິດ ໄດ້ສະແດງ ຄວາມຍິນດີຕ້ອນຮັບ ແລະ ຕີ ລາຄາສູງຕໍ່ ສະຫາຍ ມາຍ ເຖ ເຢືອງ ທີ່ໄດ້ນຳພາຄະນະເດີນ ທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນສຳ ຄັນເຂົ້າໃນການເພີ່ມທະວີ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງ ສອງພັກ, ສອງລັດ ແລະ ປະຊາຊົນສອງຊາດເວົ້າ ລວມ, ເວົ້າສະເພາະລະຫວ່າງ ສອງຄະນະກວດກາສູນກາງ ພັກ ລາວ-ຫວຽດນາມ ໃຫ້ ແໜ້ນແຟ້ນ ແລະ ມີປະສິດທິ ຜົນຍິ່ງຂຶ້ນ.
ສະຫາຍ ມາຍ ເຖ ເຢືອງ ກໍ່ໄດ້ຕາງໜ້າໃຫ້ຄະນະສະ ແດງຄວາມຂອບອົກຂອບໃຈ ມາຍັງສະຫາຍ ກຳມະການ ກົມການເມືອງສູນກາງພັກ, ຜູ້ປະຈຳການຄະນະເລຂາທິ ການສູນກາງພັກ, ຮອງປະ ທານປະເທດແຫ່ງສປປ ລາວ ທີ່ໄດ້ໃຫ້ການຕ້ອນຮັບອັນອົບ ອຸ່ນພ້ອມທັງແຈ້ງໃຫ້ຊາບເຖິງ ຜົນການພົບປະສອງຝ່າຍ ລະຫວ່າງຄະນະກວດກາສູນ ກາງພັກ ລາວ ແລະ ຫວຽດ ນາມ. ທັງນີ້, ກໍເພື່ອເປັນການ ເພີ່ມທະວີ ແລະ ຮັດແໜ້ນ ການຮ່ວມມືລະຫວ່າງສອງ ຄະນະກວດກາສູນກາງພັກ ລາວ-ຫວຽດນາມ ໃຫ້ແໜ້ນ ແຟ້ນຍິ່ງຂຶ້ນ ແລະ ໃນໂອ ກາດນີ້, ຄະນະຜູ້ແທນຍັງຈະ ໄດ້ຢ້ຽມຊົມຫໍພິພິຕະພັນປະ ທານ ໄກສອນ ພົມວິຫານ, ໄປຢ້ຽມຢາມແຂວງຫລວງພະບາງ, ຢ້ຽມຢາມສະຖານກົງ ສູນຫວຽດນາມປະຈຳແຂວງ ຫລວງພະບາງ, ທ່ຽວຊົມວັດ ຊຽງທອງ, ຫໍພິພິທະພັນແຂວງ ຫລວງພະບາງ, ຕາດກວາງຊີ, ບ້ານຫັດຖະກຳພານົມ ແລະ ຢ້ຽມຢາມເມືອງທີ່ມີຂະບວນ ພັດທະນາດີຂອງແຂວງ ຫລວງພະບາງອີກດ້ວຍ.