ຫຼັງຈາກທີ່ເຄີຍປະກາດກ່ອນໜ້ານີ້ວ່າການຊົກກັບ ອັງເດຣ ເບີໂຕ ເພື່ອນຮ່ວມຊາດໃນວັນເສົາທີ 12 ກັນຍາ 2015 ນີ້ຈະເປັນການຊົກຄັ້ງສຸດທ້າຍຂອງ “ເດິ ມັນນີ່” ຍອດມວຍທີ່ບໍ່ເຄີຍແພ້ໃຜ ແຕ່ວ່າສື່ມວນຊົນຫຼາຍແຫ່ງຕ່າງກໍ່ພາກັນເຊື່ອວ່າເປັນພຽງຄຳອ້າງເທົ່ານັ້ນບໍ່ໜ້າຈະແມ່ນຄວາມຈິງ ແລະ ໝັ້ນໃຈວ່າ ຟລອຍດ໌ ເມ ເວດເທີ ຈູເນຍ ຈະກັບມາຊົກຢ່າງແນ່ນອນ

ເຖິງຢ່າງໃດກໍ່ຕາມ ຟລອຍດ໌ ໄດ້ໃຫ້ສຳພາດວ່າ ບໍ່ມີການຊົກຄັ້ງຕໍໄປແລ້ວ “ອະນາຄົດເປັນສີ່ງທີ່ເຮົາບໍ່ຮູ້ແຕ່ໃຫ້ທຸກຄົນເຊື່ອວ່າການຊົກຄັ້ງນີ້ເປັນຄັ້ງສຸດທ້າຍ ແລະ ຈະສີ້ນສຸດຊີວິດນັກມວຍຂອງຂ້ອບພ້ອມ” ຟລອຍດ໌ກ່າວ

ນອກຈາກນີ້ລາວຍັງໃຫ້ເຫດຜົນຕື່ມອີກວ່າ ຕົນເອງຈະກັບມາໃຊ້ຊີວິດແບບຄົນທຳມະດາ ຫຼັງຈາກທີ່ຕ້ອງຝຶກຊ້ອມມາເປັນເວລາຍາວນານ ຈົນທຸກມື້ນີ້ມາຖານະສາມາດລ້ຽງຕົນເອງ ແລະ ເບີ່ງແຍງຄອບຄົວໄປຕະຫຼອດຊີວິດແລ້ວ

ສຳລັບການຊົກຄັ້ງສຸດທ້າຍຂອງ ຟລອຍດ໌ ເມ ເວດເທີ ຈູເນຍ ກັບ ອັງເດຣ ເບີໂຕ ຈະມີຂື້ນໃນວັນທີ 12 ກັນຍາ 2015 ທີ່ສັງວຽນເອັມຈີເອັມ ແກຣນ ລາສເວກັສ ເນວາດາ ສະຫະລັດອາເມລິກາ