ໂດຍຕອບສະໜອງ ຕາມຄຳເຊີນຂອງພະນະທ່ານ ກັງ ຊັງ ຮີ, ປະທານສະພາແຫ່ງ ຊາດ ສາທາລະນະລັດ ເກົາຫຼີ, ພະນະທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍຄະນະຜູ້ແທນຂັ້ນ ສູງສະພາແຫ່ງຊາດ ສປປ ລາວ
ໄດ້ອອກເດີນທາງຈາກນະ ຄອນຫຼວງວຽງຈັນ ເພື່ອໄປ ຢ້ຽມຢາມ ແລະ ເຮັດວຽກຢູ່ ສ.ເກົາຫຼີ ໃນລະຫວ່າງວັນທີ 12-14 ກັນຍາ 2013​ ນີ້.
ການຢ້ຽມຢາມຄັ້ງນີ້ກໍ່ເພື່ອ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມ ມືຂອງທັງສອງສະພາແຫ່ງ ຊາດ ສປປ ລາວ-ສ.ເກົາຫຼີ ໃຫ້ແໜ້ນແຟ້ນຍິ່ງໆຂຶ້ນ ທັງເປັນການແລກປ່ຽນຖອດ ຖອນບົດຮຽນເຊິ່ງກັນ ແລະ ກັນກ່ຽວກັບການຈັດຕັ້ງປະຕິ ບັດໜ້າທີ່ຂອງສອງອົງການນິ ຕິບັນຍັດ ລວເຖິງບັນດາ ບັນ ຫາອື່ນໆ ທີ່ທັງສອງຝ່າຍມີ ຄວາມສົນໃຈຮ່ວມກັນ.
ນອກຈາກນັ້ນ, ຄະນະຜູ້ ແທນຂັ້ນສູງສະພາແຫ່ງຊາດ ເຮົາຍັງຈະໄດ້ໄປຢ້ຽມຢາມ ສະຖານທີ່ປະຫວັດສາດ, ແຫ່ຼງທ່ອງທ່ຽວ, ພື້ນຖານການ ຜະລິດຈຳນວນໜຶ່ງຂອງ ສ. ເກົາຫຼີ.
ພິທີຈັດສົ່ງຢ່າງເປັນທາງ ການໄດ້ຈັດຂຶ້ນໃນຕອນແລງ ຂອງວັນທີ 11 ກັນຍາ 2013 ນີ້ ຢູ່ຫໍສະພາແຫ່ງຊາດ, ໂດຍ ການເຂົ້າຮ່ວມຂອງທ່ານຮອງ ປະທານສະພາແຫ່ງຊາດ, ບັນດາຫົວໜ້າກຳມາທິການ, ທ່ານເອກອັກຄະລັດຖະທູດ ແຫ່ງ ສ.ເກົາຫຼີ ປະຈຳ ສປປ ລາວ ແລະ ພະນັກງານທີ່ກ່ຽວ ຂ້ອງເຂົ້າຮ່ວມ

ທີ່ມາhttp://www.kongthap.gov.la