spot_img
Home​ຂ່າວບັນເທິງສົ່ງຮັກສົ່ງແຮງ ເພງທີ່ແອັດມິນນຳສະເໜີ

ສົ່ງຮັກສົ່ງແຮງ ເພງທີ່ແອັດມິນນຳສະເໜີ

Published on

11000188_1468580226799490_19737995025796785_n

ແອັດມິນ ໄດ້ເຫັນເພງ “ສົ່ງຮັກສົ່ງແຮງ” ທີ່ Cover ໂດຍວົງດົນຕີ ຢູ່ນາ ທີ່ມີຮູບແບບເອກະລັກສະເພາະ ບໍ່ຄືໃຜແລະບໍ່ມີໃຜຄື ເຊິ່ງຈະເປັນຈຸດເດັ່ນຂອງວົງ ເຮັດໃຫ້ແຟນໆຈື່ໄດ້ງ່າຍ ມີສະເໜ່ບໍ່ໄດ້ເລີດຫຼູ ຫຼືໄຮໂຊ ແຕ່ພັດມີຄຸນຄ່າໜ້າຊື່ນຊົມ ສະຫຼຸບສັ້ນໆ ກໍຄືວ່າ ແອັດມິນ ຫຼົງສະເໜ່ຂອງວົງນີ້ເຂົ້າແລ້ວ.

ຍັງບໍ່ພໍ ເພາະຍັງບໍ່ທັນໄດ້ເວົ້າເຖິງນັກຮ້ອງ ສືບຖາມມາແລ້ວນ້ອງມີຊື່ວ່າ ສິລິພອນ ສີປະເສີດ ຕາມປະຫວັດໃນເຟສບຸກບອກວ່າ ຮຽນຢູ່ມັດທະຍົມ ເຊໂປນ ເມືອງເຊໂປນ ແຂວງສະຫວັນນະເຂດ ແລະປີນີ້ນ້ອງມີອາຍຸຄົບ 15 ປີພໍດີ ຄວາມໜ້າຮັກຈະບໍ່ກ່າວເຖິງເພາະຮູ້ໆກັນຢູ່ແລ້ວ. ນ້ຳສຽງອ່ອນຊ້ອຍ ມະຫາສະເໜ່ ຟັງແລ້ວເຮັດໃຫ້ໃຈຄ້ອຍຕາມ ຟັງແລ້ວຢາກຟັງອີກແລະຟັງຫຼາຍໆເທື່ອ ແລະຖ້າທັງຟັງສຽງດົນຕີອັນໄພເລາະ ສຽງຄໍມະຫາສະເໜ່ ພ້ອມກັບເບິ່ງວິດີໂອຂອງນ້ອງນັກຮ້ອງແລ້ວ ຖ້າໃຈບໍ່ແຂງຂໍບອກເລີຍວ່າ ທ່ານຈະຫຼົງສະເໜ່ຂອງນ້ອງນັກຮ້ອງ ແລະວົງດົນຕີວົງນີ້ໄດ້ງ່າຍໆ

ຫຼາຍຄົນເວົ້າວ່າເພງ ສາວໜອງໄຮ ຂອງນ້ອງມ່ວນຫຼາຍ ແຕ່ສຳລັບແອັດມິນໄດ້ຟັງທຸກເພງທີ່ນ້ອງຮ້ອງແລ້ວ ພັດມາສະດຸດໃຈກັບ ເພງ “ສົ່ງຮັກສົ່ງແຮງ” ເພາະນອກຈາກຮູບຮ່າງໜ້າຕາ, ຮູບແບບການແຕ່ງໂຕ ແລະສຽງຮ້ອງທີ່ແສນອອນຊອນແລ້ວ ເນື້ອໃນຂອງເພງມັນພັດຊວນໃຫ້ຄິດຮອດ ບັນຍາກາດບ້ານນາ ຄ້າຍຄືວ່າໄດ້ກິ່ນຜັກຂະແຍງ ຈາກແກງໜໍ່ໄມ້ຂຶ້ນມາທັນທີ… ຟັງແລ້ວໄດ້ແຮງໃຈ…

ເອົາເປັນວ່າ ທ່ານຜູ້ອ່ານໄປຟັງນຳກັນເບິ່ງ ຖ້າມັກກໍກົດໄລ້ ແລະແຊຕໍ່ໃຫ້ນ້ອງແດ່ ແອັດມິນກະລັນຕີໃນໃຈວ່າ ນັກຮ້ອງຜູ້ນີ້ ກັບວົງຕີ ຢູ່ນາ ຈະເປັນວົງໜຶ່ງທີ່ຈະກ້າວຂຶ້ນເປັນ ວົງດົນຕີບ້ານນາຊື່ດັງຂອງລາວ ອີກວົງໜຶ່ງຢ່າງແນ່ນອນ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...