spot_img
Homeຂ່າວພາຍ​ໃນທ່ານຮອງນາຍົກລັດຖະມົນຕີ ຕ້ອນຮັບຫົວຫນ້າຫ້ອງການທະນາຄານໂລກ

ທ່ານຮອງນາຍົກລັດຖະມົນຕີ ຕ້ອນຮັບຫົວຫນ້າຫ້ອງການທະນາຄານໂລກ

Published on

thu12sep4

ໃນວັນທີ 10 ກັນຍາ 2013 ທີ່ຫ້ອງວ່າການ ລັດຖະບານ ທ່ານ ອາຊາງ ລາວລີ, ຮອງນາຍົກລັດຖະ ມົນຕີ, ຜູ້ຊີ້ນຳວຽກງານວັດທະ ນະທຳ-ສັງຄົມ ໄດ້ໃຫ້ກຽດ ຕ້ອນຮັບການເຂົ້າຢ້ຽມຄຳນັບຂອງທ່ານນາງ ກີໂກະມິວະ ຫົວໜ້າຫ້ອງການທະນາຄານ ໂລກປະຈຳ ສປປ ລາວ ແລະ ຄະນະໃນໂອກາດ ທີ່ທ່ານ ແລະ ຄະນະໄດ້ເດີນທາງມາ ຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ລະຫວ່າງ ວັນ ທີ 2-12 ກັນຍາ 2013 ນີ້.
ທ່ານຮອງນາຍົກລັດຖະ ມົນຕີໄດ້ສະແດງຄວາມຍິນດີ, ຊົມເຊີຍ ແລະ ຕິລາຄາສູງຕໍ່ ການຢ້ຽມຢາມ ສປປ ລາວ ຂອງທ່ານນາງ ກີໂກະມິວະ ໃນຄັ້ງນີ້. ຊຶ່ງໄດ້ ສະແດງໃຫ້ ເຫັນຄວາມເອົາໃຈໃສ່ຂອງ ທະນາຄານໂລກຕໍ່ການພັດ ທະນາເສດຖະກິດ-ສັງຄົມ ຂອງ ສປປ ລາວ ແລະ ຍັງ ເປັນການສ້າງ ເງື່ອນໄຂໃຫ້ ທະນາຄານໂລກເຫັນໄດ້ ຄວາມຄືບໜ້າ, ບັນຫາຫຍຸ້ງ ຍາກ ແລະ ສິ່ງທ້າທາຍເພື່ອ ນຳໄປພິຈາລະນາຄົ້ນຄ້ວາໃຫ້ ການຊຸກຍູ້ສະໜັບສະໜູນ  ການພັດທະນາແນໃສ່ບັນລຸ ເປົ້າໝາຍສະຫັດສະວັດ ແລະ ການຫລຸດພົ້ນອອກຈາກສະ ຖານະພາບປະເທດດ້ອຍພັດ ທະນາໃນປີ 2020.
ໂອກາດດຽວກັນ, ທ່ານ ນາງ ກີໂກະ ມິວະ ກໍໄດ້ສະ ແດງຄວາມຂອບໃຈຕໍ່ທ່ານ ຮອງນາຍົກລັດຖະມົນຕີທີ່ ໄດ້ໃຫ້ການຕ້ອນຮັບອັນອົບ ອຸ່ນໃນຄັ້ງນີ້. ພ້ອມທັງແຈ້ງ ເຖິງຈຸດປະສົງການເດີນທາງ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້. ເພື່ອ ເຮັດບົດປິດສະຫລຸບໂຄງ ການໃຫ້ທະນາຄານໂລກ. ໂດຍຈະໄດ້ລົງໄປເກັບກຳຂໍ້ ມູນນຳ3ແຂວງເປົ້າໝາຍຄື: ບໍລິຄຳໄຊ, ຄຳມ່ວນ ແລະ ສະຫວັນນະເຂດ. ຊຶ່ງນັບແຕ່ ປີ1961 ມາຮອດປັດຈຸບັນທະ ນາຄານໂລກໄດ້ ໃຫ້ທຶນ ສະ ໜັບສະໜູນ ສປປ ລາວ ຫລາຍຕື້ໂດລາສະຫະລັດ,  ເພື່ອນຳໃຊ້ເຂົ້າໃນການຈັດຕັ້ງ ປະຕິບັດບັນດາໂຄງການ, ແຜນງານບູລິມະສິດຂອງລັດ ຖະບານໃຫ້ເກີດປະສິດທິຜົນ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...