ສູນຝຶກອົບຮົມກອງ “ກ1” ໄດ້ຈັດພິທີເປີດຮຽນກໍ່ສ້າງນາຍສິບບັນຊາຂັ້ນໝູ່, ໝວດ ຊຸດທີ II ສົກ 2013-2014 ຂຶ້ນໃນວັນທີ 10 ກັນຍາ 2013 ນີ້, ໂດຍການເປັນກຽດເຂົ້າ ຮ່ວມຂອງສະຫາຍພັນເອກ ດຣ ຄຳຕາ ວົງວັນດີ, ຫົວໜ້າ ກົມໂຮງຮຽນກົມໃຫຍ່ເສນາທິ ການກອງທັບ, ມີສະຫາຍພັນ ໂທ ສອນທອງ ແກ້ວລໍຄຳ, ຄະ ນະພັກ, ຫົວໜ້າຫ້ອງເສນາທິ ການກອງ “ກ 1” ເຊິ່ງມີຜູ້ຕາງ
ໜ້າ 4 ຫ້ອງ, ພະແນກການ ທີ່ກ່ຽວຂ້ອງພ້ອມດ້ວຍຄູອາ ຈານ ແລະ ນັກຮຽນເຂົ້າຮ່ວມ.
ໃນພິທີສະຫາຍພັນໂທ ໄກສອນ ສີລາເພັດ, ຮອງຫົວໜ້າ ພະແນກອົບຮົມກອງ “ກ 1” ໄດ້ຂຶ້ນຜ່ານແຜນການ ການ ເປີດຮຽນກໍ່ສ້າງນາຍສິບທະ ຫານຮາບຂັ້ນໝູ່, ໝວດຊຸດທີ II ສົກ 2013-2014 ໂດຍອີງ ໃສ່ທິດຊີ້ນຳ ຂອງກົມໃຫຍ່ເສ ນາທິການກອງທັບ ວ່າດ້ວຍ ການຈັດຕັ້ງປະກອບນາຍສິບ ຂັ້ນໝູ່, ໝວດບໍ່ທັນພຽງພໍ ກັບ ຄວາມຮຽກຮ້ອງຕ້ອງການ ຂອງໜ້າທີ່ວຽກງານ ເພື່ອປະ ກອບເຂົ້າບັນດາກົມກອງຮາກ ຖານທີ່ຂຶ້ນກັບກອງ “ກ 1”, ທັງ ນີ້ແມ່ນເປັນການສ້າງນາຍສິບ ແລະ ພົນທະຫານ ຮຽນເປັນຜູ້ ບັນຊາຂັ້ນໝູ່, ໝວດ ໃຫ້ມີ ແນວຄິດການເມືອງໜັກ ແໜ້ນ, ມີທັດສະນະຫລັກໝັ້ນ ຊົນຊັ້ນ, ຍຶດໝັ້ນອຸດົມຄະຕິ ຂອງພັກ ຕັ້ງໜ້າຝຶກຝົນຫຼໍ່ ຫຼອມຕົນເອງດ້ານແນວຄິດ ທັດສະນະຄຸນສົມບັດສິນທຳ ປະຕິວັດ, ມີຄວາມຮູ້ຄວາມສາ ມາດທາງດ້ານທິດສະດີຫລັກ ການ, ວິຊາສະເພາະ ແລະ ເຕັກນິກອື່ນໆ ຍົກສູງນ້ຳໃຈ ບໍລິສຸດສັດຊື່ຕໍ່ພັກ ຕໍ່ປະເທດ ຊາດ ຢ່າງແທ້ຈິງ.
ໃນໂອກາດກ່າວຄຳເຫັນໂອ້ ລົມສະຫາຍຫົວໜ້າກົມໂຮງ ຮຽນໄດ້ສະແດງຄວາມຍ້ອງຍໍ ຊົມເຊີຍ ຕໍ່ຄະນະຮັບຜິດຊອບ ການຮຽນການສອນ ທີ່ໄດ້ຍົກ ສູງນ້ຳໃຈຮັບຜິດຊອບຕໍ່ໜ້າ ທີ່ ການເມືອງ, ພ້ອມທັງເນັ້ນໜັກ ໃຫ້ຄູອາຈານ ແລະ ນັກຮຽນ ຈົ່ງພ້ອມກັນຕັ້ງໃຈຄົ້ນຄວ້າ ຮ່ຳຮຽນໃຫ້ບັນລຸຜົນສຳເລັດ ຕາມຄວາມຝາກຝັງຂອງກົມ ກອງ, ເອົາໃຈໃສ່ສ້າງຕົນເອງ ໃຫ້ເປັນນັກຮຽນດີ, ຮຽນເກັ່ງ ແລະ ກາຍເປັນພະນັກງານ ສືບທອດທີ່ດີຂອງກອງທັບ ປະຊາຊົນລາວໃນອະນາຄົດ.