ໃນການແຂ່ງຂັນບານເຕະຮຸ້ນບໍ່ເກີນອາຍຸ 19 ປີ ຫຼື U-19 ທີ່ລາວເຮົາໄດ້ຮັບກຽດເປັນເຈົ້າພາບລະຫວ່າງວັນທີ 22 ສິງຫາ – ວັນທີ 4 ກັນຍາ 2015 ນີ້, ເຊີ່ງໃນມື້ວັນທີ 22 ສິງຫາ 2015 ທີມຊາດລາວ ພົບກັບ ທີມຊາດກຳປູເຈຍ ໃນເວລາ 19:00 ໂມງ ຢູ່ທີ່ສະຫນາມກິລາແຫ່ງຊາດຫລັກ 16 ຈົບເກມນັດທຳອິດລາວເຮົາໄດ້ພຽງສະເໝີກັບກຳປູເຈຍ 0-0 ປະຕູ.

ໃນນັດທີ 2 ທີມຊາດລາວພົບກັັບທີມຊາດໄທ ໃນວັນທີ 24 ສິງຫາ 2015 ເວລາ 19:00 ໂມງ ທີ່ສະໜາມກິລາແຫ່ງຊາດຫຼັກ 16 ຈົບເກມລົງໄປທີມຊາດລາວເສຍໃຫ້ທີມຊາດໄປແບບຫວຸດຫວິດ 1-2 ປະຕູ.

ທີມຊາດລາວເຮົາລົງສະໜາມນັັດທີ 3 ພົບກັບທີມຊາດບຣູໄນ ໃນວັນທີ 26 ສິງຫາ 2015 ຢູ່ທີ່ສະໜາມກິລາແຫ່ງຊາດຫຼັກ 16 ຈົບການແຂ່ງຂັນ 90 ນາທີ ໃນນັດນີ້ທີມຊາດລາວເຮົາສາມາດເອົາຊະນະໄປໄດ້ແບບຂາດລອຍ 5-0 ປະຕູ ເຊີ່ງເຮັດໃຫ້ທີມຊາດລາວເຮົາສາມາດເກັບ 3 ຄະແນນໄດ້ສຳເລັດ

ໃນນັດນີ້ທີມຊາດລາວລົງສະໜາມນີ້ແມ່ນເປັນນັດທີ່ຊີ້ຊະຕາວ່າທີມໃດຈະໄດ້ເຂົ້າຮອບຕໍ່ໄປ ເຊີ່ງທີມຊາດລາວພົບກັບທີມຊາດຟິລິບປິນ ໃນວັນທີ 30 ສິງຫາ 2015 ທີ່ຜ່ານມາທີ່ສະໜາມກິລາແຫ່ງຊາດຫຼັກ 16 ໃນເກມການແຂ່ງຂັນທ່າມກາງສຽງເຊຍຂອງແຟນບານຊາວລາວເຮັດໃຫ້ມີກຳລັງໃຈສູ້ທີມຊາດລາວຈີ່ງເອົາຊະນະທີມຊາດຟິລິບປິນໄປໄດ້ 3-1 ປະຕູ ເຮັດໃຫ້ເຂົ້າຮອບ 4 ທີມສຸດທ້າຍ ເຊີ່ງທີມຊາດລາວຈະລົງສະໜາມພົບກັບທີມອັນດັບ 1 ຂອງກຸ່ມ B ໃນວັນທີ 2 ກັນຍາ 2015 ທີ່ສະໜາມກິລາແຫ່ງຊາດຫຼັກ 16 ຢ່າລືມໄປໃຫ້ກຳລັງໃຈນັກກິລາລາວເຮົານຳກັນ

ຂອບໃຈພາບຈາກ: ສຕລ