ຂປລ. ຕາມຂ່າວຕ່າງປະເທດ, ​ໃນວັນທີ 27 ສິງຫາ 2015, ທ່ານ ອາເຊນີ ໂອ ບາລິຊາກັນ, ລັດຖະມົນຕີ ກະຊວງ ວາງແຜນ ເສດຖະກິດ ຖະ​ແຫລ​ງວ່າ: ​ເສດຖະກິດ ຟິລິບ​ປີນ ຂະຫຍາຍ ຕົວຢ່າງ ວ່ອງໄວ 5,6% ໃນໄຕມາດ 2 ເນື່ອງຈາກ ໄດ້ຮັບ​ແຮງໜຸນຈາກ ການໃຊ້ຈ່າຍ ພາກລັດ ໂດຍຜະລິດ ​ຕະພັນລວມພາຍ​ໃນ​ ປະ​ເທດ GDP ໃນ​ເດືອນ ​ເມສາ-​ມີ​ຖຸນາ ປີນີ້ ຂະຫຍາຍຕົວ 5% ​ຈາກ​ ໄຕ​ມາດ ກ່ອນ ທີ່ຕໍ່າສຸດ ​ໃນ​ຮອບ 3 ປີ .ທ່ານ ອາເຊນີ ໂອ ບາລິຊາກັນ​ ໄດ້​ເນັ້ນຕື່ມ​ວ່າ: ​ໂຄງ​ສ້າງ ​ເສດຖະກິດ ຟິລິບ​ປີນ ຍັງຄົງ​​ເຂັ້ມແຂງ ​ແລະ​ ເຊື່ອ​ໝັ້ນວ່າ ຈະສາມາດ​ ປະ​ເຊີນ​ ກັບ​ບັນຫາ ສິ່ງ​ທ້າທາຍ ຕ່າງໆໃນ ຕໍ່ໜ້າໄດ້. ຕົວ​ເລກ ເສດຖະກິດ ໃນໄຕມາດ 2 ຍັງຖືວ່າຕໍ່າ ກວ່າ 6,7% ​ໄລຍະ​ດຽວ​ກັນ ປີກາຍນີ້ ໂດຍສະ​ເລ່ຍ ​ໃນ​ເຄີ່ງ​ປີທຳ​ອິດ ​ເສດຖະກິດ ຟິລິບ​ປີນ ຂະຫຍາຍຕົວ 5,3 %./.

ຂ່າວ: