ສຳນັກຂ່າວຕ່າງປະເທດ ລາຍງານໃນວັນທີ 25 ສິງຫານີ້ວ່າ ຕຳຫລວດກຳປູເຈຍໄດ້ຖະແຫລງຜົນງານ ຈັບກຸມແກ໊ງຄ້າກັນຊາຊາວກຳປູເຈຍ 3 ຄົນ ພ້ອມຂອງກາງກັນຊາ 1,487 ກິໂລກຣາມ ໃນມື້ວັນສຸກທີ 21 ສິງຫາຜ່ານມານີ້ ທີ່ນະຄອນຫລວງພະນົມເປັນ ໂດຍທ່ານ ພົນເອກ ຄຽວ ສາມົນ ຫົວໜ້າສຳນັກງານປາບປາມຢາເສບຕິດ ກະຊວງປ້ອງກັນຄວາມສະຫງົບຂອງກຳປູເຈຍ ໄດ້ກ່າວວ່າ ກັນຊາທັງໝົດແມ່ນຖືກບັນຈຸມາ ໃນຖົງກາເຟຍີ່ຫໍ້ດັງຂອງລາວ ເຊິ່ງຖືກລັກລອບນຳເຂົ້າຈາກປະເທດລາວ ໂດຍພວກເຂົາວາງແຜນຈະສົ່ງກັນຊາຈຳນວນນີ້ ໄປປະເທດທີ 3 ທີ່ກັນຊາມີລາຄາສູງກວ່າ ເຊິ່ງໃນຈຳນວນທີ່ສາມາດຍຶດໄດ້ຄັ້ງນີ້ ແມ່ນຕົກເປັນມູນຄ່າຫລາຍກວ່າ 7 ລ້ານໂດລາ ຖ້າຫາກຖືກໄປຂາຍຢູ່ປະເທດຕາເວັນຕົກ.

ແຫລ່ງຂ່າວຈາກ: http://www.manager.co.th/IndoChina/ViewNews.aspx?NewsID=9580000096353