ນ້ຳຕົກຕາດຕາຢຶກເສືອ ເປັນສະຖານທີ່ທ່ອງທ່ຽວທຳມະຊາດອີກແຫ່ງໜຶ່ງຂອງແຂວງຈຳປາສັກ ທີ່ໄດ້ຮັບການພັດທະນາ ແລະ ເປີດໃຫ້ນັກທ່ອງທ່ຽວ ທັງພາຍໃນ ແລະ ຕາງປະເທດສາມາມາດເຂົ້າທ່ຽວຊົມ ແລະ ມີສິ່ງອຳນວຍຄວາມສະດວກໄປຄອຍໃຫ້ບໍລິການ ສະຖານທີ່ດັ່ງກ່າວແມ່ນຕັ້ງຢູ່ບ້ານຕາຢຶກເສືອ, ເມືອງປາກຊອງ, ແຂວງຈຳປາສັກ (ຫ່າງຈາກເທດສະເມືອງປາກຊອງ 44 ກິໂລແມັດ) ນອນໃນເຂດພູພຽງບໍລະເວນ ທີ່ປະກອບດ້ວຍທັດສະນີຍະພາບທີສວຍງາມຂອງນ້ຳຕົກຕາດ ແລະ ບໍລິເວນອ້ອມຂ້າງນ້ຳຕົກ ທີ່ສຳຄັນສະຖານທີ່ດັ່ງກ່າວຍັງປະກອບດ້ວຍ ສະຖານທີ່ພັກ ແລະ ອາຫານລາວທ້ອງຖິ່ນໄວ້ຄ່ອຍບໍລິການທ່ານ ພ້ອມກັບກິດຈະກຳການຍາງປ່າ, ກິນເຂົ້າປ່າ ແລະ ການລົງອາບນ້ຳບໍລິເວນຕາດອີກດ້ວຍ.