ສຳນັກຂ່າວຕ່າງປະເທດ ລາຍງານໃນວັນທີ 19 ສິງຫານີ້ວ່າ ທາງການຈີນໄດ້ດຳເນີນການຈັບກຸມ ທ່ານ ຫລີ່ຫລຽງ ປະທານກຸ່ມບໍລິສັດ ທຽນຈິນ ຕົງຈຽງ ພັອດ ຣຸຍ ໄຫ່ ອິນເຕີເນຊົງນານ ໂລຈິສຕິກ, ທ່ານ ເກົາ ໄຫ່ຈຸນ ຮອງປະທານ ແລະ ທ່ານ ສົງສີ ຫົວໜ້າຝ່າຍການເງິນຂອງບໍລິສັດດັ່ງກ່າວ ທີ່ເປັນເຈົ້າຂອງສາງເກັບສານເຄມີ ໃນເຂດອຸດສາຫະກຳຂອງນະຄອນທຽນຈິນ ໂດຍທັງໝົດຖືກຈັບກຸມຕັ້ງແຕ່ວັນທີ 13 ສິງຫາຜ່ານມາ ຫລັງຈາກທີ່ເກີດເຫດການລະເບີດຄັ້ງຮຸນແຮງ ສົ່ງຜົນເຮັດໃຫ້ມີຜູ້ເສຍຊີວິດເຖິງ 114 ຄົນ ແລະ ບາດເຈັບອີກຫລາຍກ່ວາ 700 ຄົນ ໃນຂະນະທີ່ຍັງມີຜູ້ສູນຫາຍອີກຢ່າງໜ້ອຍ 57 ຄົນ.