ເຮົາເຄີຍໄດ້ຍິນກັນມາວ່າຄວາມຮັກນັ້ນເລີ່ມຕົ້ນໃນຫ້ອງຄົວຫາແມ່ນຫ້ອງນອນບໍ່ ຊຶ່ງຕອນນີ້ກຸ່ມນັກວິໄຈຈາກ Drexel University ນັ້ນມີຫລັກຖານທາງວິທະຍາສາດທີ່ຈະສະໜັບສະໜູນຄຳກ່າວນີ້ແລ້ວ ແຕ່ກໍອາດຈະບໍ່ແມ່ນຢ່າງທີ່ເຈົ້າຄິດກໍເປັນໄດ້ ເພາະສິ່ງທີ່ພວກເຂົາຄົ້ນພົບຄືການທີ່ສະຫມອງຂອງຜູ້ຍິງນັ້ນຕອບສະຫນອງຕໍ່ສັນຍານໂລແມນຕິກໄດ້ຫລາຍກວ່າຕອນອິ່ມທ້ອງເມື່ອທຽບກັບຕອນທີ່ທ້ອງວ່າງ
Alice Ely ຊຶ່ງເປັນຜູ້ເລີ່ມການວິໄຈຊະນິດນີ້ກ່າວວ່າ “ພວກເຮົາພົບວ່າຍິງສາວທັງທີ່ຜ່ານແລະບໍ່ເຄີຍຜ່ານການຫລຸດນ້ຳຫນັກມາກ່ອນນັ້ນມີປະຕິກິລິຢາຕອບສະຫນອງຂອງສະຫມອງຕໍ່ຮູບພາບໂລແມນຕິກໃນພື້ນທີ່ລະບົບປະສາດທີ່ກ່ຽວຂ້ອງກັບການໃຫ້ລາງວັນຫລັງຈາກທີ່ໄດ້ກິນອາຫານຮຽບຮ້ອຍແລ້ວຫລາຍກວ່າຕອນທີ່ກຳລັງທ້ອງວ່າງ ”Ely ກ່າວວ່າຜົນລັບທີ່ໄດ້ນັ້ນຂັດແຍ້ງກັບງານວິໄຈຊິ້ນກ່ອນໆທີ່ມີມາທີ່ໄດ້ຊີ້ວ່າຄົນເຮົານັ້ນມັກຈະສະແດງອອກເຖິງຄວາມອ່ອນໄຫວຕໍ່ສິ່ງທີ່ໜ້າພຶງພໍໃຈເວລາທີ່ກຳລັງທ້ອງວ່າງ ຊຶ່ງສິ່ງເຫລົ່ານັ້ນອາດຈະລວມໄປເຖິງອາຫານ ເງີນ ແລະສານເສບຕິດ“ແຕ່ໃນກໍລະນີນີ້ ພວກເຂົາຕອບສະຫນອງຫລາຍຂຶ້ນຫລັງຈາກໄດ້ກິນອາຫານແລ້ວ”“ຂໍ້ມູນນີ້ໄດ້ຊີ້ໃຫ້ເຫັນວ່າການກິນອາຫານນັ້ນອາດຈະເປັນການກຽມພ້ອມຫລືເຮັດໃຫ້ຜູ້ຍິງນັ້ນອ່ອນໄຫວຕໍ່ສິ່ງທີ່ໜ້າພຶງພໍໃຈຢ່າງທີ່ນອກເໜືອຈາກອາຫານໄດ້ ນອກຈາກນັ້ນມັນຍັງສະໜັບສະໜູນເຖິງການມີຢູ່ຂອງວົງຈົນປະສາດຮ່ວມສຳລັບອາຫານແລະເພດສຳພັນອີກດ້ວຍ”ພວກເຂົາໄດ້ທຳການທົດລອງໂດຍການປຽບທຽບປະຕິກິລິຍາຂອງສະຫມອງຈາກພາບຖ່າຍດ້ວຍຄື້ນສະໜາມແມ່ເຫລັກໄຟຟ້າ (MRI) ໃນລະຫວ່າງເບິ່ງຮູບພາບໂລແມນຕິກຕ່າງໆກັບການເບິ່ງພາບທີ່ເປັນກາງໃນລະວ່າງຫິວແລະຫລັງຈາກໄດ້ຮັບປະທານອາຫານແລ້ວ ການທົດລອງນັ້ນມີກຸ່ມຜູ້ເຂົ້າທົດລອງສອງກຸ່ມ ຊຶ່ງປະກອບໄປດ້ວຍຄົົນທີ່ເຄີຍຜ່ານການຫລຸດນ້ຳຫນັກມາກ່ອນແລະຄົົນທີ່ບໍ່ເຄີຍຫລຸດນ້ຳຫນັກ ໃນຂະນະທີ່ສູນກາງການໃຫ້ລາງວັນໃນສະຫມອງຂອງທັງສະຫມອງກຸ່ມນັ້ນຕອບສະຫນອງຕໍ່ສັນຍານຄວາມໂລແມນຕິກຫລາຍຂຶ້ນຫລັງຈາກໄດ້ກິນອາຫານໄປ ປະຕິກິລິຍາທາງລະບົບປະສາດຂອງກຸ່ມຜູ້ທີ່ຜ່ານການຫລຸດນ້ຳຫນັກມາກ່ອນນັ້ນມີຄວາມແຕກຕ່າງຈາກກຸ່ມຜູ້ທີ່ບໍ່ເຄີຍຫລຸດນ້ຳຫນັກຢ່າງສັງເກດໄດ້ໃນພື້ນທີ່ສະຫມອງຈຸດໜຶ່ງຊຶ່ງປາກົດໃນງານວິໄຈດ້ານອາຫານອື່ນໆດ້ວຍ“ຮູບແບບຂອງການຕອບສະຫນອງນັ້ນຄ້າຍຄືກັບປະຕິກິລິຍາຂອງຜູ້ເຄີຍຜ່ານການຫລຸດນ້ຳຫນັກເວລາທີ່ເຫັນອາຫານທີ່ເບິ່ງເປັນຕາແຊບຫລາຍ ຊຶ່ງສອດຄ້ອງກັບງານວິໄຈທີ່ສະແດງໃຫ້ເຫັນເຖິງການຕອບສະຫນອງຂອງສະຫມອງທີ່ທັບຊ້ອນກັນຂອງເພດສຳພັນ ອາຫານ ແລະສານເສບຕິດ” Ely ກ່າວ