ສຳນັກຂ່າວຕ່າງປະເທດ ລາຍງານໃນວັນທີ 18 ສິງຫານີ້ວ່າ ສະຖານເອກອັກຄະລັດຖະທູດສະຫະລັດອາເມຣິກາ ແລະ ສະຖານເອກອັກຄະລັດຖະທູດອັງກິດ ປະຈຳຣາຊະອານາຈັກໄທ ໄດ້ປະກາດແຈ້ງເຕືອນພົນລະເມືອງຂອງຕົນທີ່ອາໄສຢູ່ໃນປະເທດໄທ ຫລັງຈາກເກີດເຫດລະເບີດຢູ່ 4 ແຍກຣາຊະປະສົງ ນະຄອນຫລວງບາງກອກ ໃນມື້ວານນີ້ (17 ສິງຫາ) ໂດຍທັງ 2 ປະເທດ ໄດ້ເຕືອນພົນລະເມືອງຂອງຕົນເອງ ໃຫ້ຕິດຕາມຂ່າວສານຢ່າງໃກ້ຊິດ ແລະ ຫລີກລ່ຽງການເດີນທາງເຂົ້າໄປໃນພື້ນທີ່ເກີດເຫດ ພ້ອມທັງໃຫ້ເພີ່ມຄວາມລະມັດລະວັງໃນການເດີນທາງໄປສະຖານທີ່ຕ່າງໆໃນໄທ ໂດຍໄດ້ແນະນຳໃຫ້ໄປລົງທະບຽນສະແດງຕົນກັບທາງສະຖານທູດອີກດ້ວຍ.