ສຳນັກຂ່າວ ບີບີຊີ ລາຍງານວ່າ ມື້ນີ້ເວລາປະມານ 15:51ນາທີ (ວັນທີ 16 ສິງຫາ 2015). ເຮືອບິນ ATR 42-300 ຂອງອິນໂດເນເຊຍໄດ້ຫາຍຈາກຈໍເຣດາ ເຊີ່ງເຮືອບິນລຳດັ່ງກ່າວໄດ້ບັນທຸກຜູ້ໂດຍສານທັງຫມົດ 54 ຄົນ ໂດຍປະກອບມີຜູ້ໃຫຍ່ 44 ຄົນ,ເດັກນອ້ຍ 5 ຄົນ ແລະ ລູກເຮືອຈຳນວນ 5 ຄົນ. ເຮືອບິນລຳນີ້ແມ່ນບິນຂຶ້ນຈາກສະຫນາມບິນ Sentani ໄປຫາເມືອງ Osibil ໃນພາກໃຕ້ຂອງປາປົວ (Papua).
ແລະຈາກການຕິດຕາມຂ່າວຂອງທີມຂ່າວ ລາວໂພສຕ໌ຂອງພວກເຮົາ ມາເຖິງເວລາໃກ້ທ່ຽງຄືນຂອງວັນດຽວກັນນີ້ ຍັງບໍ່ພົບຂ່າວທີ່ໜ້າເຊື່ອຖືໄດ້ວ່າ ພົບພໍ້ເຮືອບິນລຳດັ່ງກ່າວເທື່ອ.
