ຂປລ. ໃນປີ2015 ລັດຖະບານແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ເປັນເອກະພາບກັນ ສືບຕໍ່ໍຊຸກຍູ້ການຮ່ວມມື ໃນຂົງເຂດກະສິກຳ ແລະ ພັດທະນາ ຊົນນະບົດ ໃນນັ້ນສຸມໃສ່ ບັນດາຂົງເຂດ ພັດທະນາຊົນນະບົດໃໝ່, ຖ່າຍທອດເຕັກນິກ ການປູກເຂົ້າ, ຕົ້ນໄມ້ກິນໝາກ, ລ້ຽງ ແລະ ປຸງ ແຕ່ງຜະລິດ ຕະພັນສັດນ້ຳ, ຊົນລະປະທານ ແນ່ໃສ່ເພີ່ມລາຍຮັບ ແລະ ແກ້ໄຂຊີວິດ ການເປັນຢູ່ ໃຫ້ແກ່ປະຊາຊົນ, ໃນສະເພາະໜ້າ ບູລິມະສິດ ໃນການຜັນ ຂະຫຍາຍ ບັນດາໂຄງການຮ່ວມມື ຢູ່ສອງແຂວງຫົວພັນ ແລະ ຊຽງຂວາງ.
ສັນຍາວ່າດ້ວຍ ການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ປະຈຳປີ 2015 ວ່າ: ລາວ ຈະສືບ ຕໍ່ ພິຈາລະນາເຊັນສັນຍາ ເຊົ່າດິນໃຫ້ ແກ່ບັນດາໂຄງການ ປູກຢາງພາລາ ແລະ ຕົ້ນໄມ້ອຸດສາຫະກຳ ທີ່ໄດ້ຮັບອາຍຸຍາດແລ້ວ ບົນພື້ນຖານ ການສຳຫລວດ ເນື້ອທີ່ດິນຕົວຈິງ ຂອງເຈົ້າໜ້າທີ່ກ່ຽວ ຂ້ອງ. ປີ 2014 ໂຄງການລົງທຶນ ຂອງວິສາຫະກິດຫວຽດນາມ ຈຳນວນໜຶ່ງ ໄດ້ຜັນຂະຫຍາຍໄວ ແລະ ມີປະສິດ ທິຜົນຢ່າງຕັ້ງໜ້າ ໃນເບື້ອງຕົ້ນ ເຊັ່ນ: ໂຄງການປູກຕົ້ນຢາງພາລາ, ຜະລິດນ້ຳຕານ ຂອງກຸ່ມບໍລິສັດຮ່ວາງແອງຢາລາຍ ຢູ່ພາກໃຕ້ຂອງລາວ; ບັນດາໂຄງການ ປູກ ແລະ ປຸ່ງແຕ່ງຢາງພາລາ ຂອງກຸ່ມບໍລິສັດ ອຸດສາຫະກຳ ຢ່າງພາລາ ຫວຽດ ນາມ ແລະ ບໍລິສັດຢາງ ພາລາດັກລັກ.
ຂອບໃຈຂ່າວຈາກ:
