ໃນທ້າຍອາທິດທີ່ຜ່ານ ສຳລັບການແຂ່ງຂັນລາວພຣີເມຍລີກ ມີລົງແຂ່ງຂັນ 5 ຄູ່, ເຊີ່ງໃນວັນເສົາວັນທີ 8 ສິງຫາ 2015 ລົງແຂ່ງຂັນ 2 ຄູ່ ເປັນການພົບກັນຂອງ ສະໂມສອນ ປກສ ພົບ ສະໂມສອນ ໄອດີຊີ ຈຳປາສັກ ເວລາ 16:00 ໂມງ ທີ່ສະຫນາມກິລາແຫ່ງຊາດຫລັກ 16, ຜົນປະກົດວ່າ ປກສ ເສຍໃຫ້ ໄອດີຊີ ຈຳປາສັກ 0-1 ປະຕູ, ສ່ວນອີກ 1 ຄູ່ ແມ່ນການແຂ່ງຂັນລະຫວ່າງ ສະໂມສອນ ຮ່ວາງແອງ ອັດຕະປື ພົບ ສະໂມສອນ ເອສຣາ ເວລາ 18:15 ໂມງ ທີ່ສະຫນາມກິລາແຫ່ງຊາດຫລັກ 16, ຜົນປະກົດວ່າ ຮ່ວາງແອງ ອັດຕະປື ເອົາຊະນະ ສະໂມສອນ ອີສເຕີນສະຕາ 4-2 ປະຕູ
ສ່ວນການແຂ່ງຂັນໃນວັນອາທິດແມ່ນມີ 3 ຄູ່ລົງແຂ່ງຂັນ, ເປັນການແຂ່ງຂັນລະຫວ່າງ ສະໂມສອນ ສະຫວັນ ເອັຟຊີ ພົບ ສະໂມສອນ ເອັສເັຮຈບີ ວຽງຈັນ ເວລາ 16:00 ໂມງ ທີ່ສະຫນາມກິລາສະຫວັນ, ຜົນປະກົດວ່າ ສະຫວັນ ເອັຟຊີ ເສຍໃຫ້ ເອັສເັຮຈບີ ວຽງຈັນ 1-3 ປະຕູ
ແລະ ອີກ 2 ຄູ່ແມ່ນເປັນພົບກັນຂອງ ສະໂມສອນ ເອສຣາ ພົບ ສະໂມສອນ ຊ້າງນ້ອຍ ເວລາ 16:00 ໂມງ ທີ່ສະຫນາມກິລາແຫ່ງຊາດຫລັກ 16, ຜົນປະກົດວ່າ ເອສຣາ ເສຍໃຫ້ ສະໂມສອນ ຊ້າງນ້ອຍ 0-4 ປະຕູ, ສ່ວນສະໂມສອນ ລ້ານຊ້າງ ຢູໄນເຕັດ ພົບ ສະໂມສອນ ໄຟຟ້າລາວ ເວລາ 18:00 ໂມງ ທີ່ສະຫນາມ ລ້ານຊ້າງຢູໄນເຕັດ, ຜົນປະກົດວ່າ ລ້ານຊ້າງ ຢູໄນເຕັດ ເອົາຊະນະ ໄຟຟ້າລາວ ໄປແບບຂາດຮອຍ 11-0 ປະຕູ
